إذا كنت تفكر تستثمر في الصناديق، لازم تعرف الفرق بين صندوق أسواق النقد وصندوق الأسهم. خلنا نشرح لك أهم النقاط:
صناديق أسواق النقد
يتميز صندوق أسواق النقد بالاستقرار. وطريقة عمله كالتالي يجمع فلوس المستثمرين ويستثمرها في الأوراق المالية قصيرة الأجل ومنخفضة المخاطر. زي الصكوك و برامج المرابحة الإسلامية، وتعتبرعوائده ثابتة وآمنة لمحفظتك الاستثمارية مع أقل مستوى مخاطرة.
الإيجابيات:
1- أمن وأمان:
اللي يميز صندوق أسواق النقد أنه مستقر ويعتبر ملجأ آمن للمستثمر اللي يبي يحافظ على رأس ماله وبنفس الوقت يلقى مصدر دخل مستقر وثابت ولو كان معدل ربحه قليل.
2- سيولة عالية:
إذا خفت بيوم تكون مزنوق وتبي صندوق يسمح لك تسحب فلوسك بسرعة إذا احتجتها، صندوق أسواق النقد ممكن يكون الخيار الأنسب لك لأن سيولته عالية.
3- مخاطر مخفضة:
يقلل سوق النقد خطر خسارة رأس المال لأنه يستثمر في أصول مخاطرها يا دوب تذكر. يركز الصندوق على أدوات مالية قصيرة الأجل وجودتها الائتمانية عالية، تحميك من تذبذب السوق.
السلبيات:
- عوائد محدودة:
صحيح أن صناديق أسواق النقد توفر استقرار، بس في نفس الوقت تجيب عوائد أقل مقارنة بباقي الاستثمارات الأكثر خطورة زي الأسهم.
- التضخم الاقتصادي:
على أنه صندوق أسواق النقد مخاطره قليلة، إلا أنه ممكن يتأثر بالتضخم إذا زاد بسرعة، وصار أعلى من العوائد. وبكذا يصير معدل العائد الحقيقي للمستثمر( بعد تأثير التضخم ) سلبي.
صناديق الأسهم
من جهة ثانية، يعتبر صندوق الأسهم محرك النمو في محفظتك الاستثمارية. تجمع الصناديق فلوس المستثمرين وتستثمرها في أسهم الشركات المحلية أو الدولية أو الإقليمية وهذا الشيء يوفر فرص كثيرة وعوائد عالية على المدى الطويل.
الإيجابيات:
- إمكانية النمو:
صممت صناديق الأسهم بشكل أساسي عشان يستفيد المستثمر من الفرص الموجودة في سوق الأسهم سواء كانت محلية أو دولية، ويحقق عوائد ممتازة على المدى الطويل مقارنة بعوائد صناديق السوق النقدي.
- التنويع:
المميز في صناديق الأسهم أنها تعطيك خيارات كثيرة. من القطاعات والصناعات والشركات اللي تقدر تستثمر فيها، وتضمن أن محفظتك مستقرة والمخاطر متوزعة.
السلبيات:
- اضطراب السوق:
سوق الأسهم زي أمواج البحر يوم هايجة ويوم هاجدة. وعلى أساس حركته صناديق الأسهم تطلع وتنزل. وهذا التقلب يخوف المستثمرين من الخسارة.
- مخاطر عالية :
لما نقارنه مع صندوق أسواق النقد، هنا بنشوف أن مستوى المخاطرة أعلى وبرضو العائد المحتمل أعلى. إذا حبيت تستثمر فيها لازم تكون مستعد تواجة اضطرابات السوق وتتحمل الخسارة على المدى القصير وتفكر في النمو على المدى الطويل.
مهما كانت هدفك من الاستثمار. استقرار أو نمو، مهم تفهم الفرق بين صندوق أسواق النقد وصندوق الأسهم، عشان تبني استراتيجية استثمار تناسب أهدافك. خليك حكيم وابدأ رحلتك الاستثمارية بثقة.
