طيب لو مستثمرتش، ايه اللي هيحصل لفلوسي؟
خلينا نتخيل ان معدل التضخم 10% وانت محوش 10,000 جنيه مش مستثمرهم في حاجة. بعد 10 سنين نفس الــ10,000 جنيه دول هيبقي قيمتهم 3,591 جنيه بس.
Menu
لو عايز خلاصة بسيطة للاستثمار، يبقي شوف الفيديو ده. وعلشان تاخد التجربة كاملة، كمل تحت وهنقولك كل حاجة محتاج تعرفها
بس المشكلة إن محدش علمنا إزاي ندير فلوسنا و نستثمرها. ودي حاجة غريبة لأنها من أفيد الحاجات اللي الواحد ممكن يتعلمها
سعر الكشري زاد بحوالي 60% السنة اللي فاتت وده معناه انك تقريباً هتحتاج ضعف المبلغ انهارده علشان تعمل نفس طبق الكشري.
معدل التضخم في مصر وصل حالياً لــ32.7% (وفقاً للبنك المركزي).
خلينا نتخيل ان معدل التضخم 10% وانت محوش 10,000 جنيه مش مستثمرهم في حاجة. بعد 10 سنين نفس الــ10,000 جنيه دول هيبقي قيمتهم 3,591 جنيه بس.
خلينا نتخيل إن في أربع أشخاص. كل واحد فيهم كان بيحط 1000 جنيه كل شهر في حاجة مختلفة من سنة 1998 إلى 2021 (24 سنة).
* الأرقام ديه مبنية على دراسة عملتها البورصة المصرية لحد سنة 2018, وثاندر كملت الدراسة ديه لحد 2021.
الفلوس اللي بتستثمرها على المدي البعيد، هي فلوس مش هتحتاجها قريب وده بيخليك تتحكم في الوقت اللي انت عايز تسحبها فيه.
هنقنعك بالفكرة، هنوريك ازاي تبدأ بسهولة، وهنسعدك تعمل خطة للاستثمار.
المخاطرة هي احتمالية ان يجيلك العائد اللي انت متوقعه.
الشخص اللي بيستلف منك فلوس بيوعدك انه هيردهالك في وقت تاني بفايدة محددة، صح؟. ودى عتبر مخاطرة قليلة لأنه موعدك إنك هتاخد المبلغ بالظبط (بس مستوى المخاطرة بيتحدد حسب مين اللي استلف منك الفلوس) زي: أذون الخزانة وشهادات البنك.
لما تتمتلك أي حاجة، القيمة بتاعت الحاجة دي ممكن تزيد أو تقل حسب أدائها. في الحالة دي، أكيد هتفكر تشتري حاجة إنت متوقع إن قيمتها هتزيد في المستقبل. ده بينطبق على شراء حصة في شركة، أو ذهب، أو عقارات، وحتى لوحات فنية.
الــ-EGX30 حققت أكثر من الشهادات مرتين، ما بين ٢٠ مارس ٢٠٢٢ لحد ٢٠ مارس 2023
هنا، بيوعدوك بعائد 18%، مش أكتر ولا أقل. المخاطرة تعتبر قليلة لأنه مضمون إنك هتاخد العائد بالظبط، بس العائد نفسه هو اللي قليل.
هنا العائد بتاعك بيعتمد على أداء الشركات. فبالتالي المخاطرة أعلي علشان انت متقدرش تضمن المبلغ اللي هيجيلك، بس بردو مفيش حد أعلي للفلوس اللي ممكن تعملها.
المفروض تشيل على جنب من 10-20% من مرتبك كل شهر، علشان تحوشهم أو تستثمرهم. دي أول وأهم عادة المفروض تطبقها في حياتك علشان تبدأ تستثمر. الفلوس دي علشان مستقبلك – هتشكر نفسك عليهم قدام.
الإستثمار في الذهب من أحسن الطرق للتحوط ضد التضخم. سعر الذهب بيطلع في الأوقات اللي الاقتصاد مش مستقر في، والتضخم عالي. دي بتكون أوقات الناس بتكون خايفة فيها، والثقة في السوق ضعيف. المفروض 15% من استثماراتك الشهرية تكون في الذهب
لازم تبني لنفسك صندوق حلول – دي فلوس بتشيلها على جنب، علشان تغطي مصاريفك الأساسية لمدة 6-12 شهر، لو حصلك أي ظرف، أو طلعلك مصاريف مكنتش متوقعها.
المفروض تحوش الفلوس دي بطريقة تخليك تقدر تسحب فلوسك بسهولة، وبتحافظ على قيمتها.
ممكن تعمل كدة عن طريق صناديق الاستثمار اللي بتستثمر في أدوات العائد الثابت – دول بيدولك عائد مضمون، وممكن تسحب فلوسك بشكل يومي أو أسبوعي.
من أحسن الطرق اللي تكبر بيها فلوسك وتعمل ثروة هي الاستثمار في الشركات.
لو هتستثمر في الشركات، المفروض دي تكون فلوس إنت عارف انك مش هتحتاجها خلال ال-3-5 سنين اللي جايين. علشان تكبر فلوسك، هتكون بتعرض فلوسك لمخاطر أعلى – الاستثمارعلى المدى الطويل هيساعدك تقلل المخاطر دي.
لما تحقق عائد أعلى من نسبة التضخم – إنت كدة بتكبر فلوسك وبتعلي قيمتها
في طرق مختلفة للاستثمار في البورصة، وده بيعتمد على اهدافك والوقت اللي تقدر تخصصه للاستثمار. ممكن تستثمر:
صندوق الاستثمار بيكون ليه مدير أصول، هو اللي بيدير الصندوق. مدير الأصول ده ببساطة بيجمع فلوس من ناس زيي وزيك، ويستثمرها بالنيابة عنهم.
كل صندوق ليه استراتيجية مختلفة وبيستثمر في حاجات مختلفة. ممكن مثلاً صندوق يستثمر في الشركات، وفي صناديق تانية بتستثمر في أدوات العائد الثابت، زي أذون الخزانة أو الذهب.
ومش مهم انت بتستثمر ب 10 جنيه ولا مليون جنيه، كل الفلوس بتتحط مع بعض، ومهمة مدير الأصول انه يستثمر الفلوس بأحسن شكل ممكن. والصناديق تعتبر طريقة سهلة تبدأ بيها الاستثمار في الشركات لأنك بتوكل شخص متخصص.
صندوق الاستثمار بيكون ليه مدير أصول، هو اللي بيدير الصندوق. مدير الأصول ده ببساطة بيجمع فلوس من ناس زيي وزيك، ويستثمرها بالنيابة عنهم. كل صندوق ليه استراتيجية مختلفة وبيستثمر في حاجات مختلفة. ممكن مثلاً صندوق يستثمر في الشركات، وفي صناديق تانية بتستثمر في أدوات العائد الثابت، زي أذون الخزانة أو الذهب.
ومش مهم انت بتستثمر ب 10 جنيه ولا مليون جنيه، كل الفلوس بتتحط مع بعض، ومهمة مدير الأصول انه يستثمر الفلوس بأحسن شكل ممكن. والصناديق تعتبر طريقة سهلة تبدأ بيها الاستثمار في الشركات لأنك بتوكل شخص متخصص.
الصندوق دة بيتبع مؤشر – اللي هو عبارة عن عدد من الشركات اللي في البورصة اللي بتمثل جزء كبير من السوق. الصندوق اللي ذي ده مش بيختار الشركات بنفسه، هو ماشي على المؤشر بالظبط.
مثلاً صندوق CI30 بيتبع مؤشر EGX30، اللي فيه أكبر 30 شركة في البورصة المصرية
الصندوق دة بيتبع مؤشر – اللي هو عبارة عن عدد من الشركات اللي في البورصة اللي بتمثل جزء كبير من السوق. الصندوق اللي ذي ده مش بيختار الشركات بنفسه، هو ماشي على المؤشر بالظبط.
مثلاً صندوق CI30 بيتبع مؤشر EGX30، اللي فيه أكبر 30 شركة في البورصة المصرية
عنده فريق متخصص يبحث ويختار الشركات اللي هو شايفها كويسة وتتماشي مع استراتجية وأهداف الصندوق.
مثلاً: صندوق أزموت فرص
تحديد الفرص الاستثمارية المناسبة بيحتاج شغل كتير، زي انك تدور وتدرس الشركات اللي هتستثمر فيها وتكون دايماً متابع الأخبار علشان تفهم اللي بيحصل في السوق
احنا بنعمل قوايم كتير ممكن تساعدك تختار الاسهم اللي إنت عايز تستثمر فيها، كل قايمة بتتبع شركات على أساس معاير معينة.
مثلاً، عندنا قايمة فيها الشركات اللي بتستفيد وقت ارتفاع نسبة التضخم.
هتلاقي القوايم دي علي تطبيق ثاندر، وممكن تستخدمهم علشان تختار الشركات حسب هدفك الاستثماري.
حابين نتواصل معاك لو فيه أي ندوات أو فيديوهات جاية ممكن تكون مهتم بيها.
احجز مكانك دلوقتي في ندوتنا الاونلاين الجاية عن أساسيات الاستثمار، واللي فيها هنجاوبك على كل أسئلتك.
جميع الاستثمارات تحتوي علي علي مخاطر .كافة المعلومات الموضحة في هذه الصفحة لا تعد نصح مالي ، لذلك يجب عليك دائما اعداد دراستك الخاصة قبل الإقدام علي اي قرار استثماري . منصة ثاندر الاستثمارية والعلامة التجارية لها مملوكين بشكل حصري لشركة اكسيس ماركتس بي. في – جميع خدمات الاستثمار المقدمة للعملاء في مصر يتم إتاحتها من شركة ثاندر لتداول الأوراق المالية المرخص لها بهذا الغرض من الهيئة العامة للرقابة المالية، بينما خدمتنا في الخارج يتم إتاحتها من خلال شركة ثندر فاينانشل ليمتد المرخص لها بهذا الغرض من سلطة تنظيم الخدمات المالية لدي سوق ابوظبي العالمي
