إذا اغنية راشد الماجد “غرق الغرقان أكثر” تنطبق عليك هذا المقال مكتوب عشانك، بنعطيك فيه 3 طرق عملية وفعالة تخلصك من بحر الديون اللي غرقان فيه وبنمشي معك خطوة بخطوة، بأسلوب واضح وبسيط.
بس قبل ما تبدأ الرحلة، لازم تفهم طبيعة ديونك ومن كم جهة محاصرتك. سو لك قائمة وسجل فيها كل الديون، بطاقات ائتمان، قروض شخصية، فواتير، تابي، تمارا، وحط قدام كل وحدة مبلغ الدين اللي عليك. وترا هذه الخطوة مره مهمة لا تسوي لها سكيب، لأنها بتعطيك صورة واضحة عن حجم المشكلة اللي أنت فيها.
الحين خلينا نوريك كيف ممكن هالطرق تساعدك تطلع من دوامة الديون.
طريقة “كورة الثلج”
في الطريقة هذي، أول شيء بتبدأ تسدد الديون الصغيرة، بعدين بتستخدم المبلغ اللي كنت تدفعه لهذا الدين وتسدد فيه اللي بعده، وتكمل كذا الين تسدد كل ديونك. هذه الطريقة تعطيك شعور بالإنجاز وتحمسك تكمل. وهذا اللي نقصد فيه تأثير “كورة الثلج” كأنك تدحدر كورة صغيرة من فوق القمة وتبدأ تقش معها كل الديون لما تخلص. هذي الطريقة حلوة بس مُب أكثر طريقة اقتصادية تسدد فيها ديونك، لأن الديون اللي فوائدها عالية بتزيد عبال توصل لها وتسددها.
خلنا نقول أنه عندك هالثلاث ديون وتبي تسددهم بطريقة " ,كورة الثلج" كيف بتكون الحسبة؟
فاتورة تابي بقيمة 500 ريال، تسددها على 4 أقساط كل قسط 125 ريال.
قرض شخصي بقيمة 25,000 الف ريال، والقسط الشهري 1,000 ريال.
قسط مدرسة بقيمة 10,000ريال، والقسط الشهري 1,500 ريال.
كذا مجموع ديونك في الشهر 2,625 ريال. إذا استخدمت طريقة "كورة الثلج"، بتقدر تسدد الأقساط اللي عليك بسهولة. بس لأنك مركز على كثرة الديون وتحسب مبلغ كل دين لحاله صرت متشتت.
نفرض إنك بديت بأقل واحد فيهم اللي هو تابي وسددته كامل. بعدها بيصير عندك مساحة أكثر والمبلغ اللي كنت تسدد فيه تابي بتسدد فيه الدين اللي بعده وامش كذا الين تنتهي منها. ويمكن تخلصها قبل موعدها حتى!
طريقة “الانهيار الجليدي”
في الطريقة هذي، ديونك بتنهار عكس طريقة “كورة الثلج” بالمره. هنا بتبدأ تسدد الديون الكبيرة اللي فائدتها عالية، بعدين بتروح للأقل. هذي الطريقة كويسة لأنها بتحميك من زيادة الفوائد إذا تأخرت بالسداد. بس أنها ما تحمس، لأنك بتدفع مبالغ كبيرة مرة وحدة والوقت كمان أطول شوية.
لو قررت تستخدم طريقة الانهيار الجليدي, يبقى هتدفع الحد الأدنى المطلوب للـ 3 ديون، اللي هتساوي 90 ريال. بعد كده، هتدفع الـ 210 ريال الباقيين على الدين اللي فائدته أعلى، اللي في الحالة دي هو قسط المدرسة بفائدة 20%.
طريقة دمج الديون
الطريقة هذي يمكن تكون مخرج ممتاز وحل جذري. الفكرة فيها إنك تطلع قرض جديد تسدد فيه كل ديونك، وبعدين تركز على تسديد هذا القرض.
فيه طريقتين تدمج فيها ديونك
الطريقة الأولى:
تطلب من البنك يسوون لك إعادة جدولة المديونية. (يقفلون القرض القديم ويفتحون قرض جديد أكبر) يسددون فيه اللي عليك، وبكذا ضربت عصفورين بحجر. سددت ديونك المتشعبة وكسبت موعد سداد جديد.
الطريقة الثانية:
تطلع بطاقة ائتمان بفائدة قليلة وتحول ديونك من البطاقة القديمة للبطاقة الجديدة. الطريقة هذي كويسة لأنه بتجمع ديونك في مكان واحد. وأفضل حل إنك تدور بطاقة مسوين عليها عرض يعفيك من الفوائد أول كم شهر.
وعشان تسرّع سداد ديونك، تقدر تمشي على هذي الاستراتيجيات:
حاول توازن بين الاحتياجات والرغبات.
تعلم كيف تسوي ميزانية وتوفر فلوس.
دور على طرق تزيد دخلك.
دوام جزئي أو عمل حر.
وإذا ديونك طويلة الأجل والفائدة عليها قليلة استثمر فلوسك في أشياء سيولتها عالية ومخاطرها محدودة زي صناديق الادخار أو صناديق السوق النقدي أو المرابحات الاسلامية. أهم شي تتأكد أن العائد أعلى من الفائدة. تفاوض مع الديّانة وأقنعهم يقللون الفائدة.
