متوسط التكلفة بالدولار—هل احسن إنك تستثمر بانتظام؟

ايش يعني الاستثمار بمتوسط التكلفة بالدولار؟

لو في يوم من الأيام جاك ورث كبير وقررت تستثمر الفلوس في سوق الأسهم، هل بتحط المبلغ كله مره وحده؟ أكيد لا والأكثر منطقية إنك تقسمه مبالغ أصغر وتستثمرها بانتظام على مدار الوقت. استثمارك بانتظام يجنبك خطر خسارة كل المبلغ في تقلبات السوق اللي محد يقدر يتوقعها بالضبط متى يطلع ومتى ينزل.

هذا معنى الاستثمار بمتوسط التكلفة بالدولار بكل بساطة، هو لما تقسم مبلغ استثمارك الكلي أجزاء متساوية وتستثمرها على فترات منتظمة.

وش الفايدة بالنسبة لي؟

الاستثمار بمتوسط التكلفة بالدولار له فوايد كتير مقارنة بالاستثمارات الثانية. ممكن يساعدك في:

تقليل تأثير التقلبات في السوق

الطريقة هذي بالذات تساعدك في تقليل أثر تذبذب السوق على استثماراتك، لأنك مو قاعد تستثمر مرة وحدة عند نقاط الارتفاع أو الانخفاض، وبكذا تكون سويت “متوسط” لتكلفة استثماراتك على مدار الوقت. 

تجنب القرارات الاستثمارية العاطفية

لما تستثمر بمتوسط التكلفة بالدولار، أنت كذا تضمن إنك تستثمر بانتظام، وبكذا تقدر تتجنب أي قرارات عاطفية. زي بيع كل أسهك إذا انخفض سعرها أو زاد.

خلينا ناخد مثال عشان نفهم الفكرة أكثر 

لو عندك 1000 ريال، وتبي تستثمرها في سهم سعره حالياً 10 ريال . في الحالة هذي عندك سيناريوهين بتصير.

السيناريو الأول: شراء بمبلغ إجمالي

إذا استثمرت الـ 1000 ريال كلها مره وحدة بسعر السهم الحالي، بيصير عندك 100 سهم. وهذا اسمه شراء بمبلغ إجمالي.

قيمة الاستثمار الكلية / سعر السهم = عدد الأسهم المشتراة 

1000 ريال /10 ريال للسهم = 100 سهم

السيناريو الثاني: استخدام الاستثمار بمتوسط التكلفة بالدولار

 الاستثمار بمتوسط التكلفة بالدولار يسمح لك تستفيد من التذبذب في الأسعار على مدار الوقت، يعني ممكن تشتري 102 سهم بدل 100 سهم، بسعر متوسط 9.87 ريال بدل 10 ريال. وبكذا، بتصير شريت أسهم أكثر بفلوس أقل مقارنة بالسيناريو الأول.