“لاتحط البيض كله في سلة وحدة” جملة دايم نسمعها وتتكررعلينا كثير، وتقولك لا تستخدم كل مواردك في احتمال واحد بس، مثلاً لو قاعد تدوروظيفة، وقدمت على شركة وحدة بس. أنت كذا حطيت كل بيضك في سلة وحدة وقللت احتمالية إنك تلقى وظيفة. لكن التصرف الصح إنك تقدم على وظائف أكثر في نفس الوقت وبكذا تكون وزعت البيض بطريقة صح.
نفس الشيء ينطبق على الاستثمار في الأسهم، لما تحط كل رأس المال في سهم واحد بس تعتبر مخاطرة لأن السهم ممكن ينزل ويكون تأثيره كبيرعلى محفظتك، عشان كذا التنويع مطلوب.
ايش هو التنويع؟
التنويع استراتيجية ممتازة لتوزيع الاستثمارات بأنواع مختلفة من الأصول عشان تقلل المخاطر. بدل من إنك تحط كل الفلوس في سهم واحد أو قطاع واحد، الفكرة الأساسية هي أن أداء الأصول المتنوعة ما يرتبط بشكل كامل مع بعض عشان لما تنخفض قيمة بعض الاستثمارات، ممكن ترتفع قيمة الثانية. وبكذا تقلل الخسارة الإجمالية.
التنويع يكون أفضل لما استثماراتك ما تتأثر بنفس العوامل الاقتصادية. مثلا، لو قررت تستثمر في أرض زراعية وأسهم في شركة أسمدة، الاستثمارين بيتأثرون بشكل سلبي لو انخفض الطلب على المنتجات الزراعية وبكذا الخسارة بتكون خسارتين بسبب نفس العامل.
كيف أنوع محفظتي؟
التنويع مهم في تحقيق استقرار المحفظة الاستثمارية وتقليل المخاطر. خلينا نشوف بعض طرق التنويع:
التنويع من خلال فئات أصول مختلفة
تخيل محفظتك الاستثمارية زي سلة الفواكة، دايماً احرص على تنوعها واستثمر في قطاعات مختلفة (زي التكنولوجيا، الصحة، الطاقة، والمنتجات الاستهلاكية) هذا الشيء يقلل من المخاطر المرتبطة بقطاع معين. لأن كل قطاع يتأثر بعوامل اقتصادية مختلفة، وبكذا أنت تعتبر في الأمان لأن محفظتك فيها فئات أصول مختلفة.
الأصول اللي ممكن تستثمر فيها:
الصكوك – أدوات مالية متوافقة مع الشريعة الإسلامية تُمنح للمستثمرين كحصة ملكية في أصل ملموس أو مشروع، وتُحقق عوائد بناءً على الأرباح بدلاً من الفائدة.
- النقد أو ما يعادله – ودائع المرابحة والصكوك
- الأصول المادية – العقارات، الذهب أو الأعمال الفنية
- العملات الرقمية – بيتكوين، إيثيريوم، تيثر، وغيرها
داخل كل فئة من فئات الأصول، ممكن تنوع محفظتك أكثر. هنا بعض الاستراتيجيات اللي ممكن تستخدمها لتنويع محفظة الأسهم حقك:
التنويع من خلال شركات مختلفة
اللي بنتكلم عنه الحين هو بالضبط مثال “البيض في سلات مختلفة” وعشان تتبع هالقاعدة الاستثمارية. فكر في السلات المختلفة أنها شركات، يعني لو عندك أسهم في شركة معينة وخسرت. في المقابل أنت شاري في شركة ثانية وممكن تعطيك العائد الاستثماري اللي تبيه.
التنويع من خلال صناعات مختلفة
طيب لو الناس فجأة بطلوا يشترون البيض الأبيض، وصاروا يشترون البيض البني؟ فكر في الأنواع المختلفة من البيض كأنها صناعات مختلفة لشركات مختلفة. بعض الصناعات ممكن تواجه صدمات خارجية بسبب تغييرات في القوانين، أو حتى بسبب تغير تفضيلات المستهلكين. لما تستثمر في صناعات مختلفة، وتشتري بيض أبيض وكمان بني. أنت هنا تقلل خسارتك وتكون مشيت في الاتجاهين.
عيوب التنويع
زي ما التنويع يقلل من مخاطر انخفاض سعر السهم، برضو يقلل عوائدك على السهم الواحد اللي ممكن يكون ارتفع. بمعنى ثاني، التنويع هو مجرد موازنة بين تخفيض درجة المخاطرة وانخفاض العائد على المحفظة.
هل التنويع استراتيجية كويسة؟
ما فيه استراتيجية مضمونة في الاستثمار– الموضوع ببساطة هو كيف توازن بين المخاطر والعوائد. التنويع يقلل المخاطر بشكل كبير، وبالتالي يقلل العوائد من أصل واحد. ومع ذلك نأكد عليك أن التنويع في الاستثمار هو مفتاح النجاح، واستراتيجية أساسية لازم تكون في أدواتك اللي تستخدمها بالطريقة اللي تحقق أهدافك المالية.
