كلنا عارفين أن عجايب الدنيا سبع. بس في المقال هذا بنتعرف على أعجوبة ثامنة بتغييرطريقة تفكيرك ونظرتك للاستثمار، وكيف إنك تقدر تحول فلوسك الحالية لثروة في المستقبل. خلينا نتعرف سوا على الفائدة المركبة اللي قال عنها العالم ألبرت أينشتاين. “الفائدة المركبة هي الأعجوبة الثامنة في العالم، من يفهمها يكسبها، ومن لا يفهمها يدفعها”.
ايش هي الفائدة المركبة؟
الفائدة المركبة تأثيرها سحري على الفلوس، وسحرها يكمن في قدرتها على تحويل فلوسك المتواضعة إلى ثروة على المدى الطويل. وإذا جينا نعرفها بكل بساطة هي.” فائدة على فائدة”، يعني إذا استثمرت مبلغ وجتك عليه فائدة ورجعت تستثمر الفائدة اللي كسبتها المرة الأولى، هذي الفائدة بتنضاف على رأس المال الأساسي ويكبر مع مرور الوقت.
“حصلت على ثروتي من خلال العيش في أمريكا وحالفني بعض الحظ، وأيضًا الفائدة المُركبة.” – وارن بافيت
الفائدة المركبة والفائدة البسيطة
إذا جينا نتكلم عن أنواع الفوائد عندنا نوعين: بسيطة ومركبة. والفرق بينهم هي الطريقة اللي تتجمع فيها الفائدة. تتجمع الفائدة المركبة على رأس المال والفائدة المتراكمة، على عكس الفائدة البسيطة اللي تتجمع على راس المال بس.
نقدر نحسب الفائدة البسيطة باستخدام المعادلة هذي:
الفائدة البسيطة = المبلغ الأصلي x النسبة x الوقت
خلنا نفترض إنك استثمرت 120000 ريال بمعدل فائدة سنوي 8% لمدة سنتين. بتستلم المبلغ الأساسي، 120000ريال، بالإضافة لـ 120000 × 0.08 × 2، اللي هو 19200 ريال كفائدة. ويكون إجمالي المبلغ 13920 ريال.
ولو جينا للفائدة المركبة، حسبتها بتكون أكثر لأنك بدل ما تاخذ فائدة على المبلغ الأساسي بس، بتاخذ فائدة على المبلغ الأساسي وأي فائدة موجودة كمان.
تخيل معي أن تأثير الفائدة المركبة زي كورة الثلج الصغيرة لما تتدحرج من القمة وهي نازلة تاخذ ثلج زيادة وتبدأ تكبر وتكبر. هذا بالضبط زي الفائدة المركبة، كل ما الاستثمار كبر، كل ما أخذت عليه فائدة أكثر ورأس المال يزيد.
خلينا ناخد مثال: لو استثمرت 1000 ريال بمعدل فائدة 10%.
- بعد أول سنة، بتكسب 100 ريال فائدة – يعني 10% من الـ 1000 ريال الأساسية.
- بعد السنة الثانية، بتكسب 110 ريال فائدة، يعني 10% من الـ 1100 ريال المجتمعة.
- بعد 30 سنة، استثمارك بيكون زاد لـ 17449 ريال.
لو نفس مبلغ الاستثمار بالفائدة البسيطة كان ربحك 4000 ريال بس.
زي ما أنت شايف، استثمارك بيتدبل وينمو أسرع بكثير مع الفائدة المركبة مقارنة بالفائدة البسيطة.
ليه الفائدة المركبة مهمة؟
مهم تفهم كيف الفائدة المركبة ممكن تساعدك كمستثمر، أو تضرك كمدين.
كمستثمر، الفائدة المركبة بتخلي استثماراتك تنمو أسرع. وهذا الشيء لصالحك إذا بديت تستثمر بدري. ومن جهة ثانية ممكن ديونك تكبر وتضرك، بسبب الفائدة المركبة. وتقدر تتجنب هالشيء إذا سددت ديونك بدري.
الخلاصة
التركيب أداة قوية تنمي فيها رأس المال. وتقدر تستفيد منه بإيداع فلوسك في حسابات تدفع فائدة مركبة، أو تستثمرها في أسهم توزع أرباح وترجع تستثمر الأرباح اللي أخذتها. الحلو في التركيب أنه كل ما صبرت عليه كل ما عطاك فلوس أكثر.
