عشان تعرف إذا كان صندوق الاستثمار المشترك مناسب لمحفظتك، لازم توازن بين عوامل مختلفة. بنعطيك خمسة أسئلة مهمة واعتبرها مرجع لك قبل ما تستثمر في صندوق استثمار مشترك. يلا نبدأ.
صندوق الاستثمار اللي بتدخله يستثمر في ايش؟
صناديق الاستثمار المشترك تستثمر في أنواع مختلفة من الأصول – في صناديق تستثمر في السندات وفي صناديق تستثمر في الأسهم. وكل نوع من الأصول له مستوى خطر مختلف. لحظة. يعني فيه خطر؟ أكيد فيه
ايش يعني مستوى المخاطرة؟
“شهية المخاطرة” أو “Risk Appetite” هي استعداد الشخص أنه ياخذ مخاطرات مالية عشان يحقق أرباح محتملة. من البداية، لازم تحدد مستوى الخطر اللي قادر تتحمله. مثلاً، هل أنت مستعد تتحمل خساير كبيرة في محفظتك عشان فرصة تحقيق عوائد كبيرة على المدى الطويل؟ هذا السؤال يستاهل التفكير. قيس مدى تقبلك للمخاطرة وعلى أساسها تقدر تختار صندوق استثمار مشترك يناسبك.
بشكل عام، صناديق الاستثمار اللي تستثمر في الأوراق المالية ذات الدخل الثابت زي السندات أقل خطورة من الصناديق اللي تستثمر في الأسهم.
ايش استراتيجية الاستثمار؟
لمّا نتكلم عن استراتيجيات الاستثمار فيه طرق كثيرة، لكن وحده من الاستراتيجيات المشهورة هي الاستثمار السلبي. هذي الاستراتيجية تعتمد على شراء أصول متنوعة والاحتفاظ فيها لفترة طويلة. الهدف هو تدبيل العوائد وبناء ثروة مع مرور الوقت عن طريق تقليل الشراء والبيع. بمعنى ثاني، الطريقة هذي تتبع المثل القديم: “البطيء والثابت يكسب السباق”. محاكاة أداء مؤشر سوق محدد.
في طريقة حلوة عشان تقيم استراتيجية الصندوق وكيف شغال وإذا يتماشى مع أهدافك وفلسفتك الاستثمارية. هي إنك تقرأ عن فريق الإدارة وتشوف خبرتهم وقد ايش هم أقوياء في مجالهم عشان يكون عندك خلفية عن الموضوع كامل.
كيف أداء الصندوق؟
ابحث عن أداء الصندوق في السنين اللي فاتت. وشيك على متوسط العوائد السنوية، برضو بيكون مفيد إنك تشوف رسم بياني لأداء الصندوق ونسبة التذبذب في السعر (يعني التقلب). بيفيدك في حالة إذا كان صندوق الاستثمار المشترك شغال من فترة. كل المعلومات اللي محتاجها ممكن تلقاها في موقع مدير الأصول.
كم رسوم الصندوق؟
إذا قررت تستثمر في صندوق استثمار مشترك، حط في بالك إنك بتدفع رسوم إدارة، لأنه يديرونه محترفين فاهمين شغلهم وطبيعي ياخذون رسوم. بشكل عام الأفضل إنك تستثمر في صندوق استثمار مشترك برسوم إدارة منخفضة.
الخلاصة
كل الإجابات عن أسئلتك تقدر تلقاها على موقع صندوق الاستثمار المشترك أو في نشرة الإصدار، اللي هي وثيقة رسمية تعطيك كل التفاصيل عن صندوق الاستثمار المشترك زي المخاطر والعوائد المحتملة.
في النهاية، ما فيه صح أو خطأ. ممكن يكون صندوق الاستثمار المشترك مناسب لمحفظتك بس مو مناسب لصديقك. الأفضل إنك توزع فلوسك في صناديق استثمار مشترك مختلفة. وزي ما قلنا لازم تسأل نفسك الأسئلة اللي قلناها فوق وتشوف وش تفضيلاتك وعلى أساسها تدخل.
