قائمة المحتويات
ايه هي ثاندر آلفا؟
ثاندر آلفا بتقدّم لك دليل استثماري شخصي يساعدك تبدأ استثمارك بسهولة.
بدل ما ترشّح لك ورقة مالية واحدة، بتقترح عليك دليل استثماري متكامل من أسهم، دهب، ودخل ثابت حسب إجاباتك على3 أسئلة بسيطة
مين المناسب له يستخدم ثاندر آلفا؟
ثاندر آلفا معمولة بشكل أساسي للمستخدمين اللي:
- مش عارفين يبدأوا منين
- بيفضّلوا طريقة استثمار بسيطة من غير متابعة كتير
- عايزين خطة جاهزة بدل ما يختاروا المنتجات واحدة واحدة
ثاندر آلفا بتشتغل ازاي؟
الخطوة 1: جاوِب على 3 أسئلة بسيطة
- هدفك من الاستثمار
- درجة راحتك مع المخاطرة
- إذا كنت ممكن تحتاج الفلوس خلال السنة الجاية
إجاباتك بتحدّد توزيع الدليل الاستثماري بين:
- أسهم
- ذهب
- صناديق دخل ثابت
الخطوة 2: استلم دليلك الاستثماري
هتشوف مزيج مقترح من صناديق الأسهم، صناديق الدخل الثابت و صندوق ذهب مع شرح واضح لدور كل واحد.
الخطوة 3: عدّل دليلك الاستثماري زي ما تحب
تقدر تغيّر النسب بزيادات 5% لحد ما المجموع يكون 100%.
الخطوة 4: حدّد مبلغ استثمارك
ممكن يكون مبلغ شهري أو مبلغ لمرة واحدة.
بعد ما تحدّد المبلغ، ثاندر آلفا هتوريك أداء دليلك الاستثماري خلال آخر 5 سنين.
الخطوة 5: استثمر في دليلك الاستثماري
قدّم أمر الشراء، والأوامر هتتنفّذ حسب مواعيد تنفيذ كل صندوق.
ايه اللي بيكون جوّه الدليل الاستثماري؟
كل دليل استثماري بيضم 3 مكوّنات أساسية:
- أسهم: للنمو على المدى الطويل
- ذهب: لحماية القيمة وتقليل التقلّبات
- صناديق ادخار/دخل ثابت: للسيولة والاستقرار
المزيج ده بيقدّم نقطة بداية متوازنة للمستثمرين الجدد.
الأداء بيتحسب ازاي؟
الأداء المعروض مبني على بيانات تاريخية بتمثّل كل فئة أصول:
- مؤشر EGX100 للأسهم
- أسعار الذهب من البورصة المصرية
- أسعار الفائدة من IMF للدخل الثابت
أداء الصناديق الفعلي بيختلف بسبب التوزيعات النقدية، المصاريف، ورسوم الإدارة.
*الأداء السابق لا يضمن النتائج المستقبلية.
ألاقي ثاندر آلفا فين في التطبيق؟
تقدر توصل لثاندر آلفا من خلال:
- الشاشة الرئيسية
- استكشف
- مركزي
هل أقدر أعيد التقييم؟
ايوه، تقدر تعيد التقييم في أي وقت:
- افتح مركزي
- اضغط على ثاندر آلفا تحت خدمات الاستثمار
- اضغط على إعادة التقييم
نتائجك بتتحدّث فورًا، وهيظهرلك دليلك الاستثماري الجديد على طول.
