قائمة المحتويات
ايه هو صندوق بنك القاهرة الأول (BFF)؟
صندوق بنك القاهرة الأول (BFF) هو صندوق أسهم مفتوح بيستثمر في الأسهم المصرية المقيدة في البورصة المصرية (EGX).
الصندوق متاح للاشتراك بشكل يومي، و الاسترداد بشكل أسبوعي
صندوق بنك القاهرة الأول (BFF) بيستثمر في ايه؟
صندوق BFF بيستثمر بهدف تنمية رأس المال على المدى الطويل من خلال بناء محفظة مُدارة وفقًا لإرشادات الاستثمار التالية:
- الأسهم: بحد أقصى 95% من أصول الصندوق (وبحد أدنى 30%)
- أدوات الدخل الثابت: بحد أقصى 40%
- السيولة (نقدي): حد أدنى 5% وحد أقصى 30%
- الحد الأقصى للاستثمار في شركة واحدة: 15% من أصول الصندوق
تقدر تطلع على إرشادات وحدود الاستثمار في نشرة الصندوق.
ازاي اقدر أقدّم طلب شراء؟
- افتح تطبيق ثاندر واضغط على “استكشف”
- دور على “صندوق استثمار بنك القاهرة الأول” أو رمز “BFF” ضمن صناديق الأسهم
- اضغط على الصندوق
- اضغط “شراء” وحدد المبلغ اللي عايز تستثمره (بحد الأدنى شهادتين)
الشراء والبيع
يتم إرسال طلبات الشراء يوميًا الساعة 12 ظهرًا
لو قدمت طلبك قبل الساعة 12 ظهرًا:
طلبك هيتم إرساله في نفس اليوم وتنفيذه في يوم العمل التالي بسعر الشهادة الجديد.
لو قدمت طلبك بعد الساعة 12 ظهرًا:
طلبك هيتم إرساله في يوم العمل التالي وهيتم تنفيذه في يوم العمل اللي بعده بسعر الشهادة الجديد.
طلبات البيع بيتم ارسالها آخر يوم عمل في الأسبوع الساعة 12 ظهرًا
لو قدمت طلب البيع قبل الساعة 12 ظهرًا في آخر يوم عمل في الأسبوع:
طلبك هيتم إرساله في نفس اليوم وتنفيذه في يوم العمل التالي بسعر الشهادة الجديد.
لو قدمت طلب البيع بعد الساعة 12 ظهرًا في آخر يوم عمل بالأسبوع:
طلبك هيتم إرساله آخر يوم عمل في الأسبوع التالي وهيتم تنفيذه في يوم العمل العمل التالي بسعر الشهادة الجديد.
الرسوم
بيتم تطبيق مصاريف المعاملات العادية على كل أمر شراء أو بيع.
رسوم إدارة الصندوق متضمنة بالفعل في سعر الشهادة ومش بتتخصم بشكل مباشر عند الشراء أو البيع.
تقدر تشوف تفاصيل رسوم ادارة الصندوق في نشرة الصندوق هنا.
مين اللي بيدير صندوق بنك القاهرة الأول (BFF)؟
صندوق استثمار بنك القاهرة الأول يتم إدارته من خلال EFG Hermes Asset Management، وهي شركة لإدارة الأصول تأسست عام 1994، وتدير أصول بمبلغ 38.7 مليار جنيه في 2024.
ايه هي المخاطر؟
صندوق (BFF) هو صندوق أسهم، وبالتالي يعتبر من الاستثمارات عالية المخاطر/عالية العائد.
بعض المخاطر المرتبطة بصناديق الأسهم:
- مخاطر السوق: أسعار الأوراق المالية ممكن تتقلب نتيجة عوامل اقتصادية أو سياسية.
- مخاطر السيولة: صعوبة بيع أو الخروج من الاستثمار بسرعة وقت تقلبات السوق.
سوق الأسهم بطبيعته بيتأثر بالعوامل الاقتصادية والسياسية، ومدير الصندوق بيشتغل على تقليل المخاطر دي من خلال تنويع المحفظة ومتابعتها بشكل مستمر.
لمراجعة شرح مفصل لعوامل المخاطر، برجاء زيارة نشرة الصندوق.
