ما هي صناديق القطاعية من سي آي لإدارة الأصول؟

شركة CIAM (سي آي لإدارة الأصول) موفّرة 5 صناديق استثمار مفتوحة، وكل صندوق بيركّز على جزء مختلف من الاقتصاد المصري.

الصناديق دي شغّالة تحت مظلة CI-ctor، ومعتمدة من الهيئة العامة للرقابة المالية.

الصناديق دي بتستثمر في الشركات اللي تبع تصنيف البورصة المصرية (EGX) أو أي شركة أكتر 50% من إيراداتها ناتجة عن أنشطة مرتبطة بالقطاع حسب قوائمها المالية.

قواعد الاستثمار العامة

• الاستثمار في الأسهم داخل القطاع: بحد أقصى 95% وبحد أدنى 40% من الصندوق
• الحد الأقصى للاستثمار في سهم واحد: 15%
• أذون وسندات الخزانة: بحد أقصى 60%
• السيولة النقدية: بحد أقصى 10%

*تقدر تطلع على جميع قواعد الاستثمار من خلال نشرة الاكتتاب الخاصة بكل صندوق بالأسفل.

ما هي الصناديق المتاحة؟

CIAM (سي آي لإدارة الأصول) موفّرة 5 صناديق قطاعية تقدر تستثمر فيهم حسب القطاع اللي يناسبك:

صندوق سي آي قطاع العقارات والبناء (CRE)

بيستثمر في شركات شغّالة في كامل سلسلة قطاع العقارات، من التطوير لحد المقاولات ومواد البناء

نشرة اكتتاب CRE هنا.

صندوق سي آي قطاع التكنولوجيا والاتصالات (CTI)

بيركّز على شركات الاتصالات، مزودي الإنترنت، وشركات حلول الـ IT المدرجة في البورصة

نشرة اكتتاب CTI هنا.

صندوق سي آي قطاع التصدير (CEX)

بيستهدف الشركات اللي معتمدة على التصدير، زي الأسمدة، شركات الأغذية، والمصانع.

نشرة اكتتاب CEX هنا.

صندوق سي آي القطاع الاستهلاكي (CCB)

بيستثمر في الشركات اللي بتقدم منتجات أساسية يومية زي الأكل، الرعاية الصحية، التجزئة، والعناية الشخصية.

نشرة اكتتاب CBB هنا.

صندوق سي آي القطاع المالي والمدفوعات (CFF)

بيجمع ما بين البنوك وشركات التأمين وشركات الفينتك زي الدفع الإلكتروني أو الإقراض الرقمي.

نشرة اكتتاب CFF هنا.

ازاي اقدر اضع أمر شراء؟

• افتح تطبيق ثاندر واضغط على “استكشف”
• ابحث عن اسم الصندوق (زي “CI Exporters”)
• اضغط على الصندوق
• اضغط على “شراء”
• حدد عدد الشهادات اللي عايز تشتريها (الحد الأدنى: 11 شهادة)

الشراء والبيع

أوامر الشراء والبيع بتتقدّم من الأحد للخميس قبل الساعة 10 صباحًا.

لو قدمت طلبك قبل 10 صباحًا:
طلبك بيتبعت في نفس اليوم، وبيتنفذ تاني يوم على سعر الشهادة الجديد.

لو قدمت طلبك بعد 10 صباحًا:
طلبك بيتبعت في يوم العمل اللي بعده، وبيتنفذ في اليوم التالي، على سعر الشهادة الجديد.

الرسوم

مافيش رسوم على الصندوق نفسه، لكن فيه رسوم خدمة على كل عملية بيع أو شراء، تقدر تشوف جدول الرسوم هنا.

من يدير صناديق سي آي لإدارة الأصول القطاعية؟

كل الصناديق دي بيتم إدارتها عن طريق شركة CI لإدارة الأصول، وهي شركة مرخّصة عندها خبرة في إطلاق صناديق استثمار متنوعة في مصر، بإجمالي أصول تحت الإدارة قرب 10 مليار جنيه.

ما هي المخاطر؟

الصناديق دي بتركّز على قطاعات معينة، فممكن تكون أكثر تقلبًا من الصناديق اللي بتغطي السوق كله. المخاطر تشمل:

• مخاطر السوق: أي تراجع في أداء القطاع ممكن يأثر على أداء الصندوق
• مخاطر السيولة: بعض الأسهم ممكن تكون صعب تبيعها أو تشتريها بسرعة
• التذبذب: التغييرات الاقتصادية أو السياسية ممكن تأثر على قطاع معين أكتر من غيره
• مخاطر التركّز: لأن كل صندوق بيستثمر في قطاع واحد، التنويع بيكون أقل

*لمراجعة المخاطر بالتفصيل، يرجى زيارة نشرة الاكتتاب الخاصة بكل صندوق.