ما هي صناديق بلتون القطاعية؟

صناديق بلتون القطاعية هي صناديق استثمار مفتوحة، كل صندوق فيها بيركّز على قطاع معيّن في الاقتصاد المصري زي العقارات أو الخدمات المالية أو القطاع الصناعي أو السلع الاستهلاكية.

الصناديق دي بيتم إدارتها عن طريق بلتون لإدارة الأصول، وبموافقة الهيئة العامة للرقابة المالية.

بلتون اصدرت 4 صناديق قطاعية بتتبع تصنيف القطاعات في البورصة المصرية هنا

قواعد الاستثمار العامة

• أسهم: على الأقل 90% من أصول الصندوق

• الحد الأقصى للاستثمار في سهم واحد: 15% من أصول الصندوق

• كاش أو أدوات مالية قصيرة الأجل أو صناديق سوق المال: بحد أقصى 10% من أصول الصندوق

*تقدر تطلع على جميع قواعد الاستثمار من خلال نشرة الاكتتاب الخاصة بكل صندوق بالأسفل.

ما هي الصناديق المتاحة؟

بلتون عندها 4 صناديق قطاعية تقدر تستثمر فيهم حسب القطاع اللي يناسبك:

صندوق بلتون القطاع العقاري (BRE)

بيستثمر في شركات التطوير العقاري والمقاولات وشركات الإنشاءات المسجلة في البورصة.

نشرة اكتتاب BRE هنا.

صندوق بلتون القطاع المالي (BFI)

بيركّز على البنوك، وشركات التأمين، والمؤسسات المالية التانية.

نشرة اكتتاب BFI هنا.

صندوق بلتون القطاع الصناعي (BIN)

بيستهدف الشركات الصناعية زي المصانع، ومواد البناء، والمعدات الثقيلة.

نشرة اكتتاب BIN هنا.

صندوق بلتون السلع الاستهلاكية (BCO)

بيستثمر في الشركات اللي بتقدم منتجات مباشرة للمستهلك، زي شركات الأكل والتجزئة والمنتجات المنزلية.

نشرة اكتتاب BCO هنا.

ازاي اقدر اضع أمر شراء؟

تقدر تكتتب في أي من الصناديق دي من خلال تطبيق ثاندر:

• افتح تطبيق Thndr

• اضغط على “استكشف”

• ابحث باسم الصندوق اللي عايز تستثمر فيه (مثلاً: “بلتون عقارات” او “BRE”)

• اضغط على الصندوق

• اضغط على “شراء“

• حدد عدد الشهادات اللي عايز تشتريها (الحد الأدنى 11 شهادة)

الشراء والبيع

أوامر الشراء والبيع بتتقدم من الأحد للخميس الساعة 10 صباحًا.

الأوامر المقدمة قبل الساعة 10 صباحًا:
بيتـم إرسالها لبلتون في نفس اليوم، وبتتنفذ في يوم العمل التالي، على سعر الشهادة الجديد.

الأوامر المقدمة بعد الساعة 10 صباحًا:
بيتـم إرسالها في يوم العمل التالي، وبتتنفذ في اليوم اللي بعده، على سعر الشهادة الجديد.

الرسوم

مافيش رسوم على الصندوق نفسه، لكن بيتم خصم رسوم خدمة على كل عملية بيع أو شراء. تقدر تشوف جدول الرسوم الكامل هنا.

من يدير صناديق بلتون القطاعية؟

صناديق بلتون القطاعية بيتم إدارتها عن طريق بلتون لإدارة الأصول، وهي واحدة من أكبر شركات إدارة الأصول في مصر، بإجمالي أصول تحت الإدارة وصلت لـ29.4 مليار جنيه في مارس 2024.

ما هي المخاطر؟

الصناديق دي بتركز على قطاعات معينة، وده معناه إن فيها شوية مخاطر لازم تبقى عارفها:

• مخاطر السوق: أداء الصندوق بيتأثر بأداء القطاع اللي بيستثمر فيه. لو القطاع أداءه ضعيف، قيمة الصندوق ممكن تنزل.

• مخاطر السيولة: في بعض الأوقات، ممكن تلاقي صعوبة في تنفيذ عمليات البيع أو الشراء.

• تذبذب القطاع: أي تغيّرات اقتصادية أو سياسية ممكن تأثر على بعض القطاعات أكتر من غيرها.

• قلة تنويع الاستثمار: لأن كل صندوق مركز على قطاع معين، ده ممكن يزود نسبة التذبذب.

*للاطلاع على المخاطر بالتفصيل، برجاء مراجعة نشرة الاكتتاب الخاصة بكل صندوق.