يرجي العلم: 

شركة القلعة هتعقد اجتماع الجمعية العمومية يوم 30 مايو 2024 لمشاركة كل التفاصيل والرد على استفسارات المساهمين.

لحضورها لابد من التواصل مع دعم ثاندر لتجميد اسهمك في القلعة و موافاتك ببيان الأرصدة الخاص بك.

مين يقدر يشارك؟

المساهمين في 27 مايو:

 لو كان عندك أسهم في اليوم ده، تقدر تشارك في عرض شراء الدين. المشاركة اختيارية وبناءً على نسبة أسهمك. يعني لو عندك 0.1% من الشركة، تقدر تشارك بـ 0.1% من الدين.

المساهمين اللي باعوا أسهمهم في 8 و9 مايو:

 لو بعت أسهم في اليومين دول، تقدر برضه تشارك. مشاركتك هتكون بناءً على عدد الأسهم المباعة في 8 و9 مايو أو عدد الأسهم اللي كانت معاك في 27 مايو، أيهما أكبر.

ازاي احسب تكلفة المشاركة؟

يرجي العلم إن الحسبة دي تقديرية وممكن تختلف بناءً على سعر صرف الدولار الأمريكي مقابل الجنيه المصري في 2 يونيو، 2024.

مشاركتك هتبقى على حسب عدد الأسهم اللي عندك. هتكون حوالي 0.77 جنيه مصري لكل سهم عندك.

مثال: لو عندك 100,000 سهم في شركة القلعة وعايز تشارك:

100,000 سهم *  0.77 جنيه مصري = 77,000 جنيه مصري.

عشان تشارك، لازم تدفع 77,000 جنيه مصري.

ازاي اقدر اشارك؟

تقدر تشارك من خلال ثاندر، هيوصلك ايميل مننا قبل بدء التداول يوم الأحد 2 يونيو بيرشدك ازاي تشارك في العملية. 

تحديث* 3 يونيو 2024: تم ارسال ايميل اخر من ثاندر بالخطوات اللازمة للأشتراك. يرجي التحقق منه.

إيه اللي هيحصل بعد ما أشارك؟

لو نجحت عملية شراء الديون، المفروض يحصل زيادة رأس مال بين 9-12 اشهر. 

المبلغ اللي شاركت بيه في شراء الديون هيكون محجوز لمدة الفترة دي.

ازاي المشاركة هتفيدني كمساهم في قلعة؟

هتحصل على خصم في أسهم القلعة بمعني انك تقريباً هتدفع 0.58 جنيه مصري للسهم.

شوف أحمد حمودة وهو بيشرح إزاي في الفيديو من الدقيقة 15:00 للدقيقة 22:15

أيه المخاطر الممكن تؤثر على الصفقة ؟

• مخاطر السوق: قيمة أسهم القلعة بتتأثر بالظروف السوقية، والعوامل الاقتصادية أو التغيرات في الصناعات.
• مخاطر السيولة: ممكن يكون من الصعب بيع أسهم القلعة إذا كانت السيولة محدودة في السوق.
• مخاطر التنظيم: تغييرات في اللوائح أو السياسات الحكومية قد تؤثر على الأسواق المالية.
• مخاطر محددة للشركة: القلعة قد تواجه مخاطر محددة تتعلق بعملياتها التجارية، مثل التنافس، تغيرات في الإدارة، وما إلى ذلك.

هيحصل ايه لو شراء الدين لم يتم؟

 بحلول 20 يونيو 2024، QHRI لازم تبدأ التحويل. خلال 30 يوم، السندات (إيصالات الأمانة) سيتم إصدارها والتعليمات هتتوزع على شركات السمسرة. لو التحويل لم يتم في 20 يونيو 2024، QHRI هترجع المبالغ للمساهمين.

هيحصل ايه لو زيادة رأس المال فشلت؟

لو لم تتم قبل 25 يونيو 2025، القلعة هترجع قيمة السندات (إيصالات الأمانة) لـ QHRI اللي هترجع الاشتراكات للمساهمين في  خلال 3 شهور.

تواريخ مهمة:

*يرجى العلم ان التواريخ التالية عرضة للتغيير، برجاء الاطلاع علي موقع القلعة و البورصة المصرية باستمرار للتحديثات. 

27 مايو: لازم تكون مساهم في اليوم ده عشان تشارك.

30 مايو: اجتماع الجمعية العامة للموافقة على شراء الدين.

1 يونيو 2024: الاستمارة هتكون متاحة للمساهمين اللي عايزين يشاركوا.

2 يونيو 2024 (قبل فتح السوق): هيتم الاعلان عن قيمة الدين لكل سهم.

2 إلى 5 يونيو 2024: تقدر تختار المشاركة خلال الفترة دي. شركة السمسرة هتجمع الرسوم وتحولها للبنك العربي الأفريقي (AAIB) مع الاستمارة والإقرار.

5 يونيو 2024 (نهاية اليوم): البنك العربي الأفريقي (AAIB) هيعلن المبلغ اللي استلمه. لو لم يغطي المبلغ المطلوب، قد يتم الإعلان عن فرصة ثانية للمشاركة 

الاكتتابات تتم فقط من خلال شركة السمسرة الخاصة بك

روابط مهمة:

• الإفصاح للبورصة بخصوص شراء الديون لـ QHRI
• الإفصاح رقم 1 التابع للبورصة بخصوص QHRI 
• الإفصاح  رقم 2 التابع للبورصة بخصوص QHRI 
• الإفصاح رقم 3 التابع للبورصة بخصوص QHRI 

للمزيد من المعلومات:

زوروا موقع القلعة و موقع البورصة لأحدث التواريخ والجداول الزمنية.