قائمة المحتويات
مين هي شركة توسع للتخصيم؟
توسع للتخصيم هي شركة تمويل غير مصرفي حاصلة على ترخيص من الهيئة العامة للرقابة المالية (FRA). تأسست الشركة سنة 2020 وبتقدّم حلول تمويل رأس المال العامل و خدمات التخصيم في مصر. دلوقتي الشركة بتتحول لشركة مُدرجة في البورصة المصرية ضمن سوق الشركات الصغيرة والمتوسطة (SMEs) من خلال الطرح العام.
ايه اللي بيحصل؟
شركة توسع للتخصيم بتطرح أسهمها في السوق المصري للشركات الصغيرة والمتوسطة (SMEs) وبتقدّم 18,750,000 سهم من خلال طرح عام وطرح خاص بسعر طرح 1.73 جنيه للسهم الواحد. الطرح ده بيدي فرصة للمستثمرين الجدد إنهم يمتلكوا أسهم في الشركة.
هتقدر تشارك في الطرح مباشرة من خلال تطبيق ثاندر.
الطرح مقسم إلى:
- الطرح العام: 3.75 مليون سهم
- الطرح الخاص: 15 مليون سهم
تفاصيل الطرح العام
الطرح العام مدعوم بصندوق استقرار يغطي 100٪ من حجم الطرح خلال أول 30 يوم تداول.
ايه هو صندوق الاستقرار؟
هو آلية لحماية المستثمرين. لو أداء السهم مش عاجبك خلال أول 30 يوم من التداول، تقدر تستخدم صندوق الاستقرار وترجع أسهمك وتسترد فلوسك.
يعني لو سعر السهم نزل عن سعر الطرح خلال أول 30 يوم، تقدر ترجع أسهمك بنفس السعر اللي اشتريت بيه.
ازاي تشارك في الطرح العام؟
في يوم بداية الاكتتاب:
- افتح تطبيق ثاندر
- روح لصفحة استكشف
- دوّر على TWSA أو توسع للتخصيم
- ادخل على صفحة الاكتتاب وقدّم طلبك
- الطلب هيكون معلق لحد نهاية فترة الاكتتاب
ملاحظة:
- تقدر تكتتب بـ حد أقصى 4 أضعاف المبلغ اللي في محفظتك على ثاندر
- 25% من قيمة طلبك هيتحجز لحد ما الطلب يتنفذ
الطرح الخاص – للمستثمرين المؤهلين فقط
مين هو المستثمر المؤهل؟
عشان تشارك في الطرح الخاص، لازم تستوفي الشروط التالية:
- الخبرة: يكون عندك خبرة لا تقل عن 10 سنين في الاستثمار أو إدارة الثروات أو المجالات المالية والمصرفية.
- الأصول: تمتلك أصول سائلة أو أوراق مالية أو أدوات استثمارية بقيمة لا تقل عن 5,000,000 جنيه مصري.
نقاط مهمة
- الطرح الخاص غير مغطي بصندوق استقرار.
- بالرغم من إن الطرح الخاص عادة بيكون عليه طلب أقل من العام، التخصيص مش مضمون وبيتم حسب تقدير الشركة.
- لو شاركت في الطرح الخاص، ماينفعش تشارك في الطرح العام سواء من خلال ثاندر أو أي شركة سمسرة تانية.
تفاصيل الطرح الخاص
ازاي تشارك في الطرح الخاص؟
الخطوة 1: راجع الشروط و اتأكد انك مؤهل
لو مستوفي الشروط، املأ النموذج ده قبل يوم 5 نوفمبر 2025 الساعة 3 مساءً
الخطوة 2: إيداع المبلغ
اتأكد انك اودعت مبلغ الاشتراك بالكامل في محفظتك على تطبيق ثاندر قبل ما تحط الطلب، لن يتم تنفيذ الطلب في حال عدم توافر المبلغ بالكامل في محفظتك على ثاندر.
الخطوة 3: قدم طلبك
- تقدر تقدم الطلب من النموذج ده لحد يوم 5 نوفمبر 2025 الساعة 3 مساءً
- استخدم نفس البريد الإلكتروني المسجّل على حسابك في ثاندر
- سعر الطرح: 1.73 جنيه للسهم.
- الحد الأدنى للاكتتاب: 1,000,000 سهم (1,730,000 جنيه).
- بمجرد التقديم، سيتم حجز 100٪ من قيمة الطلب في محفظتك.
- آخر طلب تقدمه هو اللي هيتم اعتماده.
- إجمالي قيمة الطلب هتظهر كمبلغ محجوز في محفظتك على ثاندر، لكنه مش هيظهر كطلب معلق.
ملاحظة: تقديم الطلب لا يضمن التخصيص. التخصيص بيتم حسب تقدير الشركة.
الخطوة 4: التأكيد والتخصيص
- ثاندر هتراجع الطلب، و تأكد لك لو تم تقديمه بنجاح.
- نتائج التخصيص والإعلان النهائي هيتم بعد عملية المراجعة.
- التخصيص مش بنسبة وتناسب (pro-rata) ويعتمد بالكامل على قرار الشركة.
- هيتم تطبيق الرسوم العادية (التفاصيل هنا).
الخطوة 5: التسوية واسترجاع المبالغ
بعد الموافقة على الطلب وتأكيده:
- المبلغ المحجوز للاكتتاب هيتم خصمه من محفظتك.
- أي مبلغ متبقي هيرجع لمحفظتك على ثاندر
- الكمية اللي تم تخصيصها هتظهر في محفظتك بعد انتهاء الطرح.
