ايه هي أكت فاينانشال؟

أكت فاينانشال تأسست سنة 2015. وهي شركة تستثمر في مجالات مختلفة مثل المال، الطب، الصناعة، والعقارات. 

إيه اللي بيحصل؟

أكت فاينانشال بتقوم بطرح عام أولي (IPO) وهو لما شركة خاصة تبيع أسهمها للجمهور لأول مرة. 

ده معناه إن الشركة بتبقى عامة وأسهمها ممكن تباع وتشترى في البورصة.

تقدر تشترك في طرح أكت فاينانشال من خلال تطبيق ثاندر.

تفاصيل مهمة

حجم الطرح: 1.04 مليار (32% من رأسمال الشركة)

عدد الأسهم: 360 مليون سهم

سعر الطرح: 2.90 جنيه للسهم

الطرح ده متقسم لطرح عام وطرح خاص.

الطرح العام

حد أدنى للمشاركة: 1000 سهم

حجم الطرح العام: 60 مليون سهم

فتح باب الاكتتاب في الطرح العام: 9 يوليو 2024

غلق باب الاكتتاب في الطرح العام: 23 يوليو 2024 

الطرح العام مدعوم صندوق استقرار يغطي 100% من الطرح لمدة شهر.

إيه هو صندوق الاستقرار؟

خلال أول 30 يوم من التداول، لو مش راضي عن أداء السهم ممكن تستخدم صندوق الاستقرار لاسترجاع قيمة استثمارك.

 يرجي العلم

لما تشترك، تقدر تشترك بحد أقصى 4 أضعاف قيمة محفظتك.

25% من قيمة طلبك هتتحجز لحين تنفيذ الطلب.

الطرح الخاص

حد أدنى للمشاركة: مليون و750 ألف سهم

حجم الطرح الخاص: 300 مليون سهم

فتح باب الاكتتاب في الطرح الخاص: 9 يوليو 2024

غلق باب الاكتتاب في الطرح الخاص: 18 يوليو 2024

يرجي العلم:

• لا يغطي صندوق الاستقرار الطرح الخاص.
• يتم حجز 100% من قيمة طلبك لحين تنفيذ الطلب.

إزاي أشارك؟

عند فتح باب الاكتتاب:

• افتح تطبيق ثاندر
• افتح صفحة استكشف
• دور على “ACT” أو “ACT Financial” و هتقدر توصل لصفحة الطرح
• تقدر تحط طلبك

طلبك هيفضل معلق لحد يوم غلق باب الاكتتاب.

يعني إيه تغطية زائدة؟

لما يكون الطرح تم تغطيتة بشكل زائد ده معناه إن الطلب على الأسهم أكبر من الكمية المتاحة. اعتبارًا من وقت تحديث المقال ده، طرح Act Financial متغطي أكتر من 30 مرة.

التخصيص

الاكتتاب تم تغطيتة بشكل زائد 54.76 مرة، و بالتالي هيتم التخصيص ليك حوالي 1/54.76 من عدد الأسهم اللي طلبتها.

مثلاً:

لو اكتتبت بعدد 30,000 سهم و التغطية زايدة 54.76 مرة،

دي الطريقة اللي تحسب بيها تخصيص طلبك:

عدد الأسهم في طلبك: 30,000 سهم

عدد الأسهم مقسوم على التغطية الزايدة = عدد الأسهم اللي هيتم تخصيصها ليك

30,000/54.76 = 547 سهم

وده معناه إنك هتاخد 547 سهم من طلبك الأصلي اللي هو 30,000 سهم.

أول يوم تداول لـ اكت فاينانشال

 أعلنت البورصة المصرية أن يوم الأربعاء، 31 يوليو، هو أول يوم تداول لأسهم اكت فاينانشال. 

تم إدراج Act Financial في السوق متوسط النشاط – اضغط هنا لمزيد من المعلومات عن تصنيف الشركات المقيدة بالبورصة

خلال جلسة التداول:

• تم تحديد سعر الفتح عند 2.9 جنيه مصري، ويكون حد سعري بنسبة 40% في أول يوم تداول.
• السهم سيكون متاح للتداول في نفس اليوم (T+0).
• هتقدر تحط أوامر شراء وبيع محددة وأوامر بيع بسعر السوق بشكل طبيعي.
• بعد تحديد سعر الإغلاق في أول يوم تداول، هيكون سهم ACTF تابع لقواعد حدود الأسعار السوق متوسط النشاط الموضحة هنا.