قائمة المحتويات
مين جـورمـيه إيجيبت؟
جورميه إيجيبت دوت كوم للأغذية هي شركة متخصصة في بيع المنتجات الغذائية عالية الجودة، اتأسست سنة 2006، الشركة عندها أكتر من 19 فرع في القاهرة والإسكندرية، وبتقدّم تجربة أونلاين من خلال تطبيق وموقع إلكتروني.
إيه اللي بيحصل؟
جورميه إيجيبت بتطرح جزء من أسهمها في البورصة المصرية (EGX) من خلال طرح عام أولي (IPO).
الطرح ده متقسم لجزئين:
- طرح عام: 20% من الأسهم المطروحة
- طرح خاص: 80% من الأسهم المطروحة
تفاصيل الطرح العام
الطرح العام مدعوم بصندوق استقرار بيغطي 100% من الطرح خلال أول 30 يوم من التداول.
إيه هو صندوق الاستقرار؟
لو مش راضي عن أداء السهم خلال أول 30 يوم من التداول، تقدر تستخدم صندوق الاستقرار لاسترجاع قيمة استثمارك.
يعني لو سعر السهم نزل أقل من سعر الطرح خلال الفترة دي، تقدر ترجع أسهمك بالسعر اللي اشتريت بيه.
يرجى العلم:
- عند الاشتراك، تقدر تشترك بحد أقصى 4 أضعاف قيمة محفظتك.
- 25% من قيمة طلبك هتتحجز لحد تنفيذ الطلب.
إزاي أشارك؟
في يوم فتح الاكتتاب:
- افتح تطبيق ثاندر.
- افتح صفحة “استكشف”.
- دور على “GOUR” أو “جورميه”، وهتقدر توصل لصفحة الطرح.
- حط طلبك.
- طلبك هيبقى معلق لحد يوم غلق باب الاكتتاب.
يعني إيه تغطية زائدة؟
لما يكون الطلب على الأسهم أكبر من الكمية المتاحة، الطرح بيبقى “مغطى بشكل زائد”. في الحالة دي، كل مستثمر هيحصل على جزء من الأسهم اللي طلبها بناءً على نسبة التغطية.
مثال:
لو طلبت 10,000 سهم، والطرح متغطي 10 مرات:
- عدد الأسهم المطلوبة: 10,000 سهم.
- نسبة التغطية: 10 مرات.
- تخصيصك: 10,000 ÷ 10 = 1,000 سهم.
التخصيص
الاكتتاب تم تغطيتة 55.78 مرة، وده معناه إن كل مستثمر هيتم تخصيص 1 / 55.78 من عدد الأسهم اللي طلبها.
مثلا:
لو طلبت 30,000 سهم في الاكتتاب، ونسبة التغطية 55.78 مرة:
طريقة الحساب:
عدد الأسهم المطلوبة = 30,000 سهم
عدد الأسهم المخصصة = عدد الأسهم ÷ نسبة التغطية
30,000 ÷ 55.78 ≈ 538 سهم
يعني هيتم تخصيص 538 سهم لك فقط من أصل 30,000 سهم طلبتهم.
أول يوم تداول
أعلنت البورصة المصرية إن يوم الثلاثاء 10 فبراير 2026 هو أول يوم تداول لسهم جورميه.
خلال أول جلسة تداول:
- سعر الفتح: 6.90 جنيه
- الحد السعري للسهم هيكون 40% في أول جلسة
- هيكون مسموح بتداول السهم T+0 / T+1
- تقدر تحط أوامر شراء وبيع بسعر محدد، وأوامر بيع بسعر السوق
- هيتم إيقاف أوامر الشراء بسعر السوق مؤقتًا، وده علشان نحميك من الشراء بسعر غير متوقع في أول جلسة تداول
بعد ما يتحدد سعر الإغلاق في أول يوم تداول، السهم هيبدأ يتبع الحدود السعرية الطبيعية (20%) للبورصة المصرية.
