تنويه : تتم الأنشطة في السوق المصري من خلال شركة ثاندر لتداول الأوراق المالية، وهي شركة مرخصة في البورصة المصرية وخاضعة للهيئة العامة للرقابة المالية، ومسجلة في مصر برقم 804.
الطرح الخاص لشركة بنيان: للمستثمرين المؤهلين على ثاندر
لو انت مستثمر مؤهل ومهتم تشارك في الطرح الخاص لأسهم شركة بنيان، هنا كل التفاصيل اللي محتاج تعرفها.
مين هو المستثمر المؤهل؟
عشان تشارك في الطرح الخاص، لازم تحقق الشروط دي:
- الخبرة: يكون عندك على الأقل 10 سنين خبرة في الاستثمار، إدارة الثروات، أو مجالات زي البنوك والخدمات المالية.
- الأصول: تمتلك أصول سائلة، أوراق مالية، أو أدوات مالية قيمتها لا تقل عن 5,000,000 جنيه مصري.
نقاط مهمة
- 15% من الأسهم اللي هتحصل عليها في الطرح الخاص هتكون مغطاة بصندوق استقرار. يعني لو سعر السهم نزل، تقدر ترجع 15% من أسهمك خلال 30 يوم وتسترد قيمة استثمارك. مثلا: لو تم تخصيص 10,000 سهم ليك، عدد 1,500 سهم منهم فقط هيتم تغطيتهم بصندوق الاستقرار.
- عادةً، الطرح الخاص بيكون فيه طلب أقل مقارنة بالطرح العام، بس التخصيص مش مضمون وبيتحدد من خلال الشركة المطروحة في البورصة.
- لو شاركت في الطرح الخاص، مش هتقدر تشارك في الطرح العام من خلال ثاندر أو أي شركة وساطة تانية.
تفاصيل الطرح الخاص
*تم تحديد القيمة العادلة من قبل الشركة من خلال خصم 5% على مضاعف القيمة الدفترية لعام 2024 وخصم 10% على مضاعف القيمة الدفترية لعام 2025.
إزاي تشارك في الطرح الخاص؟
الخطوة 1: اتأكد إنك مؤهل
لو مستوفي الشروط، املأ النموذج ده قبل يوم 8 يوليو 2025 الساعة 2 م.
الخطوة 2: إيداع المبلغ
اتأكد إنك أودعت المبلغ بالكامل في محفظتك على تطبيق ثاندر قبل ما تحط الطلب، وده قبل 10 يوليو 2025 الساعة 12 الظهر.
الحد الأدنى هو 1,000,000 جنيه مصري، ومش هتقدر تكتتبباستخدام أربعة أضعاف 4x رصيد محفظتك زي الطرح العام.
الخطوة 3: قدم طلبك
املأ نموذج الاكتتاب قبل 10 يوليو 2025 الساعة 12 ظهرًا وحدد:
- عدد الأسهم اللي عايز تشتريها
- السعر اللي هتقدم بيه، ولازم يكون في نطاق سعر الطرح.
الخطوة 4: تأكيد الطلب
ثاندر هتأكد إن طلبك تم استلامه وهتبلغك أول ما يتم التنفيذ والتخصيص.
الخطوة 5: التخصيص والإعلان عن السعر النهائي
ثاندر هتبلغك بالتخصيص (لو تم بنجاح)، والسعر النهائي هيتم الإعلان عنه يوم 11 يوليو 2025.
خد بالك، التخصيص مش هيكون بنسبة (pro rata) لكنه قرار من الشركة المطروحة.
الخطوة 6: التسوية واسترداد المبلغ
هيتم خصم مبلغ الاكتتاب عندما يتم تنفيذ طلبك. وأي مبلغ متبقي هيرجع لمحفظة ثاندر.
ملاحظات إضافية:
- الكمية اللي تم تخصيصها ليك هتظهر في محفظتك على ثاندر بعد ما الطرح العام ينتهي.
- قيمة الطلب بالكامل هتظهر كرصيد معلق في محفظة ثاندر، لكن مش هتظهر في الأوامر تحت التنفيذ.
- هيتم تطبيق الرسوم العادية (التفاصيل هنا).
- هيتم تعيين ممثل دعم من ثاندر لمساعدتك في كل الخطوات.
لو عندك أي أسئلة؟
لو مش متأكد من أي جزء في العملية أو محتاج توضيح أكتر، كلمنا على [email protected] أو من خلال الشات.
