ايه هي زيادة رأس المال؟

زيادة رأس المال بتحصل لما الشركة المقيَّدة في البورصة تجمع تمويل إضافي من خلال إصدار أسهم جديدة.
وده غالبًا بيتم عن طريق حق الاكتتاب، اللي بيدّي المساهمين الحاليين الأولوية إنهم يشتروا الأسهم الجديدة بسعر اكتتاب غالبًا أقل من سعر السوق.

ايه هو حق الاكتتاب؟

حق الاكتتاب هو دعوة من الشركة لمساهميها علشان يشاركوا في زيادة رأس المال من خلال شراء أسهم جديدة.

• بس المساهمين اللي معاهم السهم في تاريخ الاستحقاق هما اللي ليهم حق المشاركة.
• عدد الحقوق اللي بتاخدها بيكون نِسبي حسب عدد أسهمك الحالية.
• تقدر تبيع الحق في السوق لو مش عايز تشارك في الاكتتاب.

ليه الشركات بتقوم بزيادة رأس المال؟

تلجأ الشركات لزيادة رأس المال بهدف:

• تمويل خطط التوسع
• تمويل مشاريع جديدة
• خفض حجم الديون

ليه بيتم منح حقوق للمساهمين؟

لأن سعر الاكتتاب عادةً أقل من سعر السهم في السوق، و الشركة تمنح الحقوق لتعويض المساهمين الحاليين وضمان عدم تمييز المستثمرين الجدد عليهم.

مفاهيم مهمة

1) نسبة الحق للسهم

كل سهم عندك بيدّيك عدد معين من الحقوق.
مثال: حق واحد لكل 12.36 سهم. النسبة تختلف من شركة لأخرى وفقًا لشروط الإصدار

2) تاريخ الاستحقاق 

اذا تمتلك السهم في نهاية جلسة تداول يوم الاستحقاق هتكون مؤهل للحصول على الحقوق والمشاركة في الاكتتاب.

3) تداول الحقوق

• هتظهر الحقوق في محفظتك
• لو مش عايز تشترك، تقدر تبيع الحقوق قبل نهاية فترة التداول.
• ولو ماكنتش مساهم وقت يوم الاستحقاق، ممكن تشتري الحقوق من السوق وتشارك في الاكتتاب.

ايه اختياراتي كمساهم؟

الاختيار الأول: بيع الحقوق خلال فترة التداول

الاختيار التاني: الاحتفاظ بالحقوق والمشاركة في الاكتتاب

هيوصلك من ثاندر إيميل فيه:

• ميعاد تداول الحقوق
• آخر يوم للاكتتاب
• سعر الاكتتاب
• نموذج طلب الاكتتاب

   

مهم: عدم بيع الحقوق أو الاكتتاب بها يؤدي إلى فقدان قيمتها بالكامل.

أمين حفظ ثاندر 

• املى نموذج الاكتتاب اللي وصلك على الإيميل.
• لازم يكون في حسابك المبلغ المطلوب: عدد الحقوق × سعر الاكتتاب
• رسوم الحفظ: 60 جنيه (مجانًا لمشتركي ثاندر تريدر)

   

أمين حفظ بنك التمويل الكويتي (البنك الأهلي المتحد سابقًا)

• اطلب من الدعم إنهم يحرروا لك الحقوق.
• هات كشف حساب من البنك.
• قدم طلب الاكتتاب في أي فرع بيستقبل الاكتتابات.
• بلّغ فريق دعم ثاندر بعد ما تقدم الطلب.

   

ايه اللي بيحصل بعد انتهاء تداول الحقوق؟

بعد انتهاء فترة التداول، لا يمكن بيع الحقوق أو تحويلها لأي طرف آخر.

ايه اللي بيحصل بعد انتهاء فترة الاكتتاب؟

• في بعض زيادات رأس المال، بيكون في تخصيص، ولو الاكتتاب اتغطّى زيادة ممكن تاخد عدد أسهم أقل من اللي طلبتها.
• تحويل الحقوق لأسهم بياخد من شهر لـ 3 شهور حسب الشركة.

   

الشريحة الاولي والشريحة الثانية

الشريحة الأولى

• يمكن الاكتتاب فقط في عدد الحقوق المملوكة
• مدتها أطول.
• لا يوجد فيها تغطية زيادة 

الشريحة الثانية

• يتم فتحها فقط بقرار من الشركة
• يُسمح بالاكتتاب في أي عدد من الأسهم، بشرط امتلاك حق واحد على الأقل
• مدتها أقصر
• التخصيص ممكن يقل بسبب ارتفاع الطلب

   

ما هي مخاطر المشاركة في زيادة رأس المال؟

• احتمال انخفاض سعر السهم بعد الاكتتاب.
• تجميد السيولة لفترة طويلة.
• إمكانية تراجع أداء الشركة مستقبلًا.

تنويه

تحويل الحقوق لأسهم ممكن ياخد من 1–3 شهور على حسب إجراءات الشركة.