انت الان في شاشة الأوامر المتقدمة، وهتقدر تضع أوامر بيع على كميات (T+0 ، T+1 ، T+2)
1) اختار دورة التسوية اللي هتبيع منها
- T+2: أسهم تم شرائها من أكثر من جلستين تداول.
- T+1: أسهم تم شرائها في جلسة التداول السابقة.
- T+0: أسهم تم شرائها في نفس الجلسة.
2) حدّد سعر البيع
3) حدّد عدد الأسهم (الوحدات)
4) اختار نوع الطلب
- طلب بسعر محدد عادي – يتنفّذ على السعر المحدد أو أفضل
- الكل أو لا شيء – الأمر يفضل مفعل لحد ما الكمية كلها يتم تنفيذها مرة واحدة
- الحد الأدنى للتنفيذ – الأمر مش هيتنفّذ غير لما الحد الأدنى من الكمية اللي انت محددها يبقى متاح للتنفيذ. بعد تنفيذ الحد الأدنى، الأمر يفضل مفعل لحد ما الكمية كلها تتنفّذ أو الأمر ينتهي حسب نوع الصلاحية اللي انت مختارها.
5) اختار نوع الصلاحية
- صالح لليوم – ينتهي في آخر جلسة التداول لو ما اتنفّذش
- صالح حتى الإلغاء – يفضل الأمر صالح لحد ما يتنفّذ أو يتلغى
- صالح لتاريخ معين – ينتهي في تاريخ انت بتحدده لو ما اتنفّذش
- تنفيذ كامل أو إلغاء (FOK) – يتم تنفيذ الكمية بالكامل فورًا أو يتلغى.
- تنفيذ فوري او إلغاء (IOC) – يتم تنفيذ الكمية المتاحة فورًا ويتم إلغاء الكمية المتبقية
مثال مهم:
لو عندك 500 سهم في دورة تسوية T+2 و 100 سهم في دورة تسوية T+0 لازم تعمل أمرين بيع منفصلين:
- أمر بيع 500 سهم على T+2
- أمر بيع 100 سهم على T+0
اقدر استخدم طلب بسعر محدد متقدم ازاي ؟
لازم تكون مشترك في باقة ثاندر تريدر.
ايه الأسهم المتاحة للتداول T+0 ؟
الأسهم الموجودة في:
- السوق الأكثر نشاط
- السوق متوسط النشاط
- مؤشر “تميز” للشركات الصغيرة والمتوسطة
تقدر تقرأ تفاصيل أكثرعن تصنيفات الشركات المقيدة بالبورصة المصرية من هنا، أو تشوف القائمة المحدثة للشركات من هنا.
المبلغ بيكون متاح امتى ؟
بعد تنفيذ الأمر بالكامل، المبلغ بيظهر في محفظة ثاندر. تقدر تستخدمه في شراء أسهم، لكن السحب متاح بعد مرور جلستين تداول بعد التسوية. تقدر تقراء اكثر عن المبالغ تحت التسوية هنا.
تنفيذ الأوامر يتوقف على العروض والطلبات في السوق وقواعد التداول في البورصة المصرية.
