من هو المصرف المتحد؟

المصرف المتحد هو بنك مؤسس ومملوك من قبل البنك المركزي المصري، بيقدم خدمات مصرفية للشركات والافراد، مع التركيز علي الخدمات التقليدية والخدمات المتوافقة مع الشريعة الاسلامية.

إيه اللي بيحصل؟

البنك المركزي المصري، اللي بيملك 99.9% من أسهم البنك، بيطرح 30% (330 مليون سهم) للبيع، وده هيخلي المصرف المتحد شركة متداولة في البورصة المصرية (EGX).

تقدر تشترك في الطرح من خلال ثاندر.

الطرح ده متقسم لجزئين:

• طرح عام: 5% من الأسهم المطروحة
• طرح خاص: 95% من الأسهم المطروحة

للتفاصيل عن الطرح الخاص، زور الصفحة دي.

تفاصيل الطرح العام

*سعر السهم الذي يتم تحديده بواسطة خبير مالي مستقل ويُدرج في نشرة الطرح الأولي كدليل إرشادي للمستثمرين.

صندوق الاستقرار

الطرح العام مدعوم بصندوق استقرار بيغطي 100% من الطرح خلال أول 30 يوم من التداول.

إيه هو صندوق الاستقرار؟

لو مش راضي عن أداء السهم خلال أول 30 يوم من التداول، تقدر تستخدم صندوق الاستقرار لاسترجاع قيمة استثمارك.
يعني لو سعر السهم نزل أقل من سعر الطرح خلال الفترة دي، تقدر ترجع أسهمك بالسعر اللي اشتريت بيه.

يرجى العلم:

• عند الاشتراك، تقدر تشترك بحد أقصى 4 أضعاف قيمة محفظتك.
• 25% من قيمة طلبك هتتحجز لحد تنفيذ الطلب.

إزاي أشارك؟

في يوم فتح الاكتتاب:

1. افتح تطبيق ثاندر.
2. افتح صفحة “استكشف”.
3. دور على “UBEE” أو “المصرف المتحد”، وهتقدر توصل لصفحة الطرح.
4. حط طلبك. طلبك هيبقى معلق لحد يوم غلق باب الاكتتاب.

يعني إيه تغطية زائدة؟

لما يكون الطلب على الأسهم أكبر من الكمية المتاحة، الطرح بيبقى “مغطى بشكل زائد”. في الحالة دي، كل مستثمر هيحصل على جزء من الأسهم اللي طلبها بناءً على نسبة التغطية.

مثال:
لو طلبت 10,000 سهم، والطرح متغطي 10 مرات:

• عدد الأسهم المطلوبة: 10,000 سهم.
• نسبة التغطية: 10 مرات.
• تخصيصك: 10,000 ÷ 10 = 1,000 سهم.