في ثاندر، أمان حسابك واستثماراتك هو أولويتنا الأساسية. بنحرص دايمًا على توفير منصة آمنة لمستخدمينا.
ازاي ثاندر بتحافظ على أمان حسابي واستثماراتي؟
ثاندر بتعتمد على نظام تحقق متعدد العوامل (MFA)، وده بيجمع بين:
- حاجة معاك (موبايلك)
- وحاجة بتعرفها (كلمة المرور)
تطبيق ثاندر بيطبق معايير أمان على مستوى الصناعة، وبيتم إجراء اختبارات ومراجعات بشكل دوري لضمان أمان المنصة.
كمان بنطبق إجراءات التحقق من الهوية (KYC) وقت إنشاء الحساب للتأكد من هويتك.
ايه اللي بيحصل لو غيرت موبايلك؟
تغيير الجهاز سهل.
لما تسجل دخول من جهاز جديد، هنبعتلك رسالة SMS للتأكد من هويتك.
خلي بالك إنك تقدر تستخدم ثاندر على جهاز واحد بس في نفس الوقت، فبمجرد تسجيل الدخول من جهاز جديد، هتتسجل خروج تلقائي من الجهاز القديم.
حسابي محمي ازاي لو الموبايل اتسرق؟
الحماية هنا بتعتمد على 3 مستويات:
- الجهاز نفسه
- شريحة الاتصال (SIM)
- بيانات تسجيل الدخول الخاصة بيك
علشان أي حد يقدر يوصل لحسابك، لازم يكون معاه التلاتة.
لو شكيت في أي اختراق، تواصل مع فريق الدعم فورًا.
ازاي أتجنب الاحتيال؟
- ما تشاركش رقمك السري أو كلمة المرور مع أي حد
- ثاندر عمره ما هيطلب منك البيانات دي
- لو شكيت في محاولة احتيال، تواصل معانا من خلال التطبيق فورًا
ازاي ثاندر بتحافظ على أمانك؟
الالتزام التنظيمي:
ثاندر بتطبق القوانين واللوائح الخاصة بـ Abu Dhabi Global Market والجهة التنظيمية التابعة له، مع مراجعات دورية للتأكد من الالتزام.
تشفير البيانات:
الموقع والتطبيق مؤمنين بتشفير قوي (256-bit)، وده بيحافظ على بياناتك الشخصية.
أمان على مستوى البنوك:
بنستخدم سيرفرات آمنة، ومعايير داخلية صارمة لحماية أموالك، بالإضافة لإجراءات حماية مادية.
حماية الاستثمارات:
الشركة الشريكة Alpaca عضو في Securities Investor Protection Corporation (SIPC)، وده بيوفر حماية لاستثماراتك لحد 500,000 دولار في حالات معينة.
ايه اللي بيحصل لو ثاندر اغلقت؟
في حالة اغلاق ثاندر لأي سبب، هتفضل مسيطر على استثماراتك.
- تقدر تنقل أوراقك المالية ورصيدك لمحفظة في شركة وساطة تانية
- الأصول مسجلة باسمك عند شركة الحفظ (Alpaca)، مش باسم ثاندر
