قائمة المحتويات
تنويه: تتم الأنشطة في السوق المصري من خلال شركة ثاندر لتداول الأوراق المالية، وهي شركة مرخصة في البورصة المصرية وخاضعة للهيئة العامة للرقابة المالية، ومسجلة في مصر برقم 804.
ايه هو صندوق مباشر فضة (MSI)؟
صندوق مباشر فضة هو صندوق استثمار مفتوح بيستثمر في الفضة عيار 999 وهي الفضة القياسية المعتمدة للاستثمار، ويتابع حركتها في السوق.
الصندوق بيديك فرصة تستثمر في الفضة من غير ما تشتريها أو تخزنها بنفسك.
الحدود الاستثمارية
- الفضة (بحد أدنى 50% من الصندوق)
- أدوات دخل ثابت واستثمارات سائلة (بحد أقصى 50% من الصندوق)
تقدر تقرأ أكثر عن إرشادات الاستثمار وحدود الصندوق في نشرة الصندوق من هنا.
ازاي اقدر أقدّم طلب شراء؟
- افتح تطبيق ثاندر وروح على “استكشف”.
- دور على “مباشر فضة” أو الرمز (MSI) تحت قسم صناديق المعادن.
- اضغط على الصندوق.
- اضغط على “شراء” وحدد المبلغ اللي عايز تستثمره (الحد الأدنى 11 شهادة).
الشراء والبيع
خلال فترة الاكتتاب
صندوق مباشر فضة حاليًا في مرحلة الاكتتاب.
لو قدمت طلبك خلال الفترة دي:
- الطلب هيكون حالته تحت التنفيذ
- قيمة طلبك هتفضل محجوزة لحد تنفيذ الطلب
- تقدر تلغي الطلب طول ما هو تحت التنفيذ
- طلبك هيتم تنفيذه بعد انتهاء فترة الاكتتاب
في نهاية آخر يوم اكتتاب:
- حالة الطلب هتتغير إلى قيد المعاملة
- الطلب هيتم إرساله إلى مدير الاستثمار
- مش هيكون متاح إلغاء الطلب بعد كده
- المبلغ المحجوز هيتم خصمه عند غلق باب الاكتتاب
بعد انتهاء فترة الاكتتاب
أوامر البيع والشراء بيتم تقديمها من الإثنين للخميس بحد أقصى الساعة 12:00 ظهرًا.
لو قدمت طلبك قبل الساعة 12:00 ظهرًا:
طلبك بيتم إرساله في نفس اليوم وبيتم تنفيذه في يوم العمل التالي بسعر الوثيقة الجديد.
لو قدمت طلبك بعد الساعة 12:00 ظهرًا:
طلبك بيتم إرساله في يوم العمل التالي وبيتم تنفيذه في اليوم اللي بعده بسعر الوثيقة الجديد.
الرسوم
- مفيش رسوم اشتراك على أوامر الشراء.
- رسوم الاسترداد 4%، بتتقسم يوميًا على سنة من تاريخ الشراء. بعد سنة، مفيش رسوم استرداد.
- بيتم تطبيق المصاريف الموضحة هنا السارية على كل أمر بيع أو شراء.
هل ممكن استبدال الشهادات بالفضة المادية؟
لأ، صندوق مباشر فضة (MSI) مش بيتيح استبدال الشهادات بالفضة المادية، وعمليات البيع والشراء بتتم من خلال الشهادات.
من يدير صندوق مباشر فضة (MSI)؟
صندوق مباشر فضة (MSI) بيتم إدارته من خلال شركة مباشر لتكوين وإدارة محافظ الأوراق المالية وصناديق الاستثمار، وهي شركة تابعة لشركة مباشر كابيتال هولدنج للاستثمارات المالية.
ايه هي المخاطر؟
- مخاطر الأصول الأساسية: التغيرات في سعر الفضة.
- مخاطر الإمداد: قلة توافر الفضة ممكن تؤثر على كفاءة تشغيل الصندوق.
- مخاطر التخزين.
لمراجعة تفاصيل أكثر عن المخاطر، يُرجى الرجوع إلى نشرة الصندوق هنا.
