قائمة المحتويات
ايه هو صندوق سي آي للاكتتابات (CIP)؟
صندوق سي آي للاكتتابات (CIP) هو صندوق أسهم مفتوح بيستثمر في الطروحات الأولية في البورصة.
الصندوق بيركز على الشركات اللي بتُطرح للتداول لأول مرة أو اللي تم إدراجها حديثًا.
ايه هو الطرح الأولي؟
الطرح الأولي هو لما شركة بتطرح أسهمها للجمهور لأول مرة في البورصة.
صندوق سي آي للاكتتابات (CIP) بيركز على الفرص المرتبطة بالاكتتابات الجديدة والشركات حديثة الإدراج.
بيستثمر صندوق سي آي للاكتتابات (CIP) في ايه؟
الصندوق بيستثمر بشكل أساسي في الأسهم، مع التركيز على الطروحات الجديدة، مع إمكانية الاحتفاظ بجزء من الأصول في أدوات دخل ثابت أو سيولة.
ومن أهم حدود الاستثمار في الصندوق:
- الأسهم: حد أدنى 40% وحد أقصى 95% من الصندوق
- حد أقصى 15% في السهم الواحد
- أذون الخزانة والسندات: حد أقصى 60%
- النقدية: حد أقصى 10%
لمراجعة تفاصيل حدود الاستثمار بشكل كامل، يُرجى الرجوع إلى نشرة الصندوق.
ازاي اقدر أقدّم طلب شراء؟
- افتح تطبيق ثاندر واضغط على Explore
- ابحث عن “CI IPOs (CIP)”
- اضغط على الصندوق
- اضغط على شراء وحدد المبلغ اللي عايز تستثمره (بحد أدنى 2 وثيقة)
الشراء والبيع
لو قدمت طلبك قبل الساعة 12 ظهرًا:
طلبك هيتبعت في نفس اليوم، وبيتنفذ في يوم العمل التالي على سعر الوثيقة الجديد.
لو قدمت طلبك بعد الساعة 12 ظهرًا:
طلبك هيتبعت في يوم العمل التالي، وبيتنفذ في يوم العمل اللي بعده.
الرسوم
بيتم تطبيق رسوم المعاملات العادية على كل أوامر الشراء والبيع.
رسوم إدارة الصندوق بيتم احتسابها ضمن سعر الوثيقة، ومش بيتم خصمها بشكل مباشر وقت الشراء أو البيع.
تقدر تراجع القائمة الكاملة لرسوم الصندوق من خلال نشرة الصندوق.
مين بيدير صندوق سي آي للاكتتابات (CIP)؟
الصندوق تم تأسيسه وبيتم إدارته من خلال سي آي لإدارة الأصول.
ايه هي المخاطر؟
صندوق سي آي للاكتتابات (CIP) هو صندوق أسهم، وبالتالي قيمة الاستثمار ممكن ترتفع أو تنخفض حسب ظروف السوق.
بعض المخاطر المرتبطة بالصندوق:
- مخاطر الاكتتاب: الأسهم حديثة الإدراج ممكن تكون أكثر تقلبًا، خاصة مع ضعف السيولة أو تغير اتجاه السوق.
- مخاطر التسعير: سعر الطرح ممكن يكون أقل أو أعلى من القيمة العادلة، وده ممكن يؤثر على العائد بعد الإدراج.
- مخاطر السيولة: بعض الأسهم حديثة الإدراج ممكن يكون من الصعب بيعها في أول فترة بعد التداول.
السوق كمان بيتأثر بعوامل اقتصادية وسياسية.
لمراجعة شرح مفصل لعوامل المخاطر، يُرجى الرجوع إلى نشرة الصندوق.
