تنويه: تتم الأنشطة في السوق الأمريكي والسوق الإماراتي من خلال شركة ثاندر فاينانشال (“ثاندر”)، والمسجلة وفقًا لقوانين سوق أبوظبي العالمي (ADGM) تحت رقم التسجيل 13534.
مواعيد السوق
أسواق الأسهم الأمريكية مفتوحة من الاثنين للجمعة من 9:30 صباحًا لحد 4:30 مساءً بتوقيت الساحل الشرقي (ما عدا العطلات الرسمية في أمريكا).
أنواع الأوامر
أمر بسعر السوق:
تنفيذ أمر شراء أو بيع على السعر الحالي في السوق بشكل شبه فوري.
ممكن السعر يتغير بسرعة ويتنفذ الأمر على سعر مختلف بسبب ظروف السوق.
أمر بسعر محدد:
تحدد سعر معين لشراء أو بيع ورقة مالية، ويتنفذ الأمر بسعر يساوي أو أفضل منه فقط.
ممكن يتآخر التنفيذ اذا الكمية المطلوبة غير متاحة (معروضة) في السوق بالسعر اللي حددته.
التسوية
التسوية العادية للأسهم بتكون T+1.
توزيعات الأرباح
في نوعين رئيسيين من التوزيعات
توزيعات نقدية:
بتتحول لمحفظة ثاندر بعد تاريخ الدفع أول ما بوصلنا المبلغ.
بيتم خصم 30% ضريبة على التوزيعات النقدية لغير المقيمين في أمريكا.
توزيعات أسهم:
بيتقرب لأقرب سنت وبتضاف تلقائي لمحفظتك.
تجزئة الأسهم:
تتنفذ فورًا. في حالة الـ Reverse Split، أي كسور أسهم ما ينفعش تقسيمها، بيتم استبدالها نقدًا في المحفظة.
قيود التداول اللحظي (T0) – قاعدة الـ PDT
إيه هي قاعدة الـ PDT؟
الـ PDT بتعرف الـ Day Trade إنه عمليتين (شراء/بيع) في نفس اليوم. سواء اشتريت وبعت لنفس السهم أو عملت Short وبعدين غطيته، ده بيتحسب كـ Day Trade.
إمتى حسابي بيتصنف PDT؟
لو عملت 4 Day Trades في خلال 5 أيام عمل. أقل من كده مش بيتصنف PDT.
طيب لو عايز أعمل Day Trade بانتظام؟
لازم يبقى في حسابك 25,000 دولار كحد أدنى أو 25% من إجمالي قيمة الأوراق المالية.
بعد ما تزود المبلغ، كلم دعم Thndr عشان نبدأ إجراءات رفع القيد.
إزاي بيتحسب الـ Day Trade؟
أي Day Trade بيتحسب سواء الكمية صغيرة أو كبيرة.
لمزيد من التفاصيل، تقدر تزور Regulatory Notice 21-13 على موقع FINRA.org.
الأسهم الكسرية (Fractional Shares)
الأسهم الكسرية بتديك فرصة تملك جزء من السهم من غير ما تشتري السهم كامل. تقدر تبدأ من 1 دولار بس في أكتر من 2000 سهم وصندوق ETF أمريكي.
- الأسهم الكسرية تقدر تشتريها وتستثمر فيها بداية من 1 دولار.
- ما ينفعش تحط Limit Orders للأسهم الكسرية (مسموح بس Market Orders).
- أغلب الأسهم اللي سعرها فوق 1 دولار وقيمتها السوقية فوق 25,000,000 دولار مؤهلة للتداول بالأسهم الكسرية.
