قائمة المحتويات
تنويه : تتم الأنشطة في السوق المصري من خلال شركة ثاندر لتداول الأوراق المالية، وهي شركة مرخصة في البورصة المصرية وخاضعة للهيئة العامة للرقابة المالية، ومسجلة في مصر برقم 804.
ثاندرX بيوفر لك أكتر من طريقة علشان تقدر تتحرك بسرعة سواءً بتتابع الشارت، أو أوامرك المفتوحة، هتكون دايمًا على بُعد خطوات سريعة من وضع أو تعديل أمر.
تقدر تضع أو تعدل أمر من
- الـشارت (قريبًا) – تحط أوامرك مباشرة من على الرسم البياني
- لوحة تنفيذ الأوامر Order Execution widget – معمولة علشان تحط أوامر جديدة بسرعة
- لوحة إدارة الأوامر Trades Management widget – تراجع أوامرك المفتوحة وتعدلها أو تلغيها حسب الحاجة
إيه أنواع الأوامر المتاحة؟
- Market Order (أمر علي سعر السوق): بيتنفّذ فورًا على أفضل سعر متاح
- Limit Order (أمرعلي سعر محدد): بيتنفّذ بس على السعر اللي حددته أو أفضل منه
إيه الشروط المتقدمة؟
- All or None (AON – كل الكمية أو ولا حاجة): ينفّذ بس لو كلها متاحة
- Minimum Fill (تنفيذ جزئي بحد أدنى): ينفّذ لو فيه كمية لا تقل عن الحد اللي تحدده
- Immediate or Cancel (IOC – نفّذ المتاح وألغي الباقي): ينفّذ على قد ما يقدر فورًا ويبطل الباقي
- Fill or Kill (FOK – ننفّذ كله أو نلغي كله): يا ينفّذ الكمية كلها فورًا يا يلغيه بالكامل
إزّاي تحدد مدة صلاحية الأمر؟
- Good Till Day: بينتهي في نهاية يوم التداول
- Good Till Cancel: يفضل شغال لحد ما تلغي يدويًا
- Good Till Date: يفضل شغال لحد التاريخ اللي تختاره
ممكن أعدل أو ألغي أمر كنت حطيته؟
أيوه، طالما الأمر ما اتنفّذش لسه، تقدر تغيّره أو تلغيه قبل التنفيذ.
إيه العوامل اللي بتأثر على أسبقية تنفيذ الأوامر؟
حسب قواعد البورصة المصرية (EGX)، الأولوية بتيجي من:
- السعر: الأسعار الأفضل بنفّذها الأول
- الزمن: لو الأسعار متساوية، الأمر الأقدم بياخد الأولوية
- القيود: الأوامر اللي مفيهاش شروط كتير (زي AON أو IOC) بتتعالج أسرع
- المصدر: الأوامر المتطابقة جوا نفس شركة السمسرة بتاخد أسبقية أقل
