تنويه : تتم الأنشطة في السوق المصري من خلال شركة ثاندر لتداول الأوراق المالية، وهي شركة مرخصة في البورصة المصرية وخاضعة للهيئة العامة للرقابة المالية، ومسجلة في مصر برقم 804.
مين هي شركة بنيان للتنمية والتجارة؟
بنيان هي شركة تشغيل عقاري بتركّز على امتلاك وتأجير عقارات تجارية عالية الجودة في مصر. اتأسست في 2007، وبتملك وبتدير مولات ومباني إدارية في القاهرة بنسبة إشغال قوية وإيجارات مربوطة بالدولار. دلوقتي الشركة بتجهز إنها تكون مدرجة في البورصة المصرية (EGX) من خلال الطرح العام الأولي (IPO).
إيه اللي بيحصل؟
بنيان هتطرح لحد 362.9 مليون سهم، متقسمة على طرح خاص وطرح عام.
ده هيسمح لمستثمرين جدد يمتلكوا حصة في الشركة.
تقدر تشترك في الطرح من خلال تطبيق ثاندر.
الطرح متقسم كالتالي:
- الطرح العام: لحد 18.1 مليون سهم
- الطرح الخاص: لحد 344.8 مليون سهم
للتفاصيل عن الطرح الخاص، اضغط هنا
*تم تحديد القيمة العادلة من قبل الشركة من خلال خصم 5% على مضاعف القيمة الدفترية لعام 2024 وخصم 10% على مضاعف القيمة الدفترية لعام 2025.
الطرح العام عليه تغطية من صندوق استقرار
صندوق الاستقرار بيغطي 100% من الطرح العام خلال أول 30 يوم تداول.
إيه هو صندوق الاستقرار؟
لو أداء السهم مش عاجبك خلال أول 30 يوم من التداول، تقدر تستخدم صندوق الاستقرار وترجع أسهمك وتسترد فلوسك.
يعني لو سعر السهم نزل عن سعر الطرح خلال أول 30 يوم، تقدر ترجع أسهمك بنفس السعر اللي اشتريت بيه.
خد بالك:
- تقدر تكتتب بـ حد أقصى 4 أضعاف المبلغ اللي في محفظتك على ثاندر
- 25% من قيمة طلبك هيتحجز لحد ما الطلب يتنفذ
إزاي تشارك؟
في يوم بداية الطرح:
- افتح تطبيق ثاندر
- روح ل “استكشف”
- دور على “BONY” أو “بنيان”
- ادخل على صفحة الطرح
- حط طلبك
طلبك هيبقى معلق لحد ما الطرح يقفل.
يعني إيه تغطية زائدة؟
لو عدد الأسهم المطلوبة من المستثمرين أكبر من الكمية المعروضة، الطرح بيتغطى بشكل زائد. في الحالة دي، كل مستثمر هياخد جزء بس من الأسهم اللي طلبها.
مثال:
لو طلبت 10,000 سهم، والطرح متغطي 10 مرات:
- عدد الأسهم اللي طلبتها: 10,000 سهم
- نسبة التغطية: 10X
- التخصيص: 10,000 ÷ 10 = 1,000 سهم
