قائمة المحتويات
تنويه : تتم الأنشطة في السوق المصري من خلال شركة ثاندر لتداول الأوراق المالية، وهي شركة مرخصة في البورصة المصرية وخاضعة للهيئة العامة للرقابة المالية، ومسجلة في مصر برقم 804.
ايه هو الطرح العام الأولي؟
الطرح العام الأولي هو عملية تقوم فيها شركة خاصة ببيع أسهمها للجمهور لأول مرة. وبعد القيد في البورصة، تصبح أسهم الشركة قابلة للتداول في البورصة المصرية مثل أي سهم آخر.
ومن خلال ثاندر تقدر تشترك في الطروحات مباشرة من التطبيق.
إزاي بيتم الطرح على ثاندر؟
لكل طرح، بيكون في صفحة مخصصة داخل تطبيق ثاندر. من خلالها تقدر:
- تطلع على معلومات الشركة
- تعرف تفاصيل الطرح
- تقدم طلب اكتتاب
- تتابع حالة الطلب ونسبة التخصيص بعد الإعلان عنها
تقدر توصل لصفحة الطرح عن طريق:
- افتح تطبيق ثاندر
- ادخل لصفحة “استكشف”
- ابحث بأسم الشركة أو رمز السهم
وبمجرد فتح صفحة الطرح، تقدر تشترك. طلبك هيفضل “معلق” لحد انتهاء فترة الاكتتاب.
ايه هو الطرح العام ؟
الطرح العام هو الجزء المخصص لأي مستثمر يحقق الحد الأدنى للاكتتاب بأنة يشارك.
عادةً بيظهر في صفحة الطرح:
- الحد الأدنى لعدد الأسهم المطلوب
- سعر السهم في الطرح
- مواعيد بداية ونهاية الاكتتاب
- توضيح إذا كان في صندوق استقرار سعر للسهم
إيه هو صندوق الاستقرار؟
بعض الطروحات بيكون معاها صندوق لاستقرار السعر خلال أول ٣٠ يوم تداول. لو مش راضي عن أداء السهم خلال أول 30 يوم من التداول، تقدر تستخدم صندوق الاستقرار لاسترجاع قيمة استثمارك.
يعني لو سعر السهم نزل أقل من سعر الطرح خلال الفترة دي، تقدر ترجع أسهمك بالسعر اللي اشتريت بيه.
لو الطرح فيه صندوق استقرار، هتلاقيه موضح بشكل واضح في صفحة الطرح.
ايه هو الطرح الخاص؟
بعض الطروحات بيكون فيها طرح خاص موجه لمؤسسات مالية أو مستثمرين مؤهلين.
للمشاركة في الطرح الخاص، لازم المستثمر يحقق شروط معينة مثل:
- عدد سنوات خبرة في الاستثمار
- امتلاك أصول مالية بقيمة محددة
- حد أدنى أعلى للاكتتاب
لو المشاركة في الطرح الخاص متاحة عبر ثاندر، هتلاقي استمارة الأهلية والشروط داخل صفحة الطرح.
اقدر أكتتب بقد إيه؟
تقدر تكتتب بما يصل إلى ٤ مرات المبلغ المتاح في محفظتك على ثاندر، لأن ٢٥٪ فقط من قيمة طلبك بتتجمّد لحد انتهاء فترة الطرح. وبعد إعلان التخصيص، بيتم خصم باقي المبلغ فقط على الأسهم اللي تم تخصيصها لك.
يعني إيه تغطية زائدة؟
لما يكون الطلب على الأسهم أكبر من الكمية المتاحة، الطرح بيبقى “مغطى بشكل زائد”. في الحالة دي، كل مستثمر هيحصل على جزء من الأسهم اللي طلبها بناءً على نسبة التغطية.
مثال: لو طلبت 10,000 سهم، والطرح متغطي 10 مرات:
- عدد الأسهم المطلوبة: 10,000 سهم.
- نسبة التغطية: 10 مرات.
- تخصيصك: 10,000 ÷ 10 = 1,000 سهم.
ايه هو التخصيص؟
بعد انتهاء فترة الاكتتاب:
- الشركة بتراجع كل الطلبات
- بيتم إعلان نسبة التخصيص النهائية
- كل مستثمر بيستلم جزء من الأسهم اللي طلبها حسب حجم الطلب
أي مبلغ غير مستخدم بيتم إرجاعه تلقائيًا لمحفظتك على ثاندر.
ايه اللي بيحصل بعد التخصيص؟
بعد إعلان التخصيص:
- بيتم خصم قيمة الأسهم اللي تم تخصيصها لك
- المبلغ المتبقي بيترجع لمحفظتك
- الأسهم بتظهر في محفظتك
- البورصة بتعلن أول يوم تداول للسهم
إزاي أبيع الأسهم اللي اكتتبت فيها؟
- تقدر تبيع أو تشتري السهم بشكل طبيعي من خلال ثاندر
- لو الطرح فيه صندوق استقرار، تقدر ترجع أسهمك بسعر الطرح خلال فترة الاستقرار
- لو اشتريت أسهم من السوق بعد الإدراج، مش هيكون ليك حق استخدام صندوق الاستقرار
