قائمة المحتويات
تنويه : تتم الأنشطة في السوق المصري من خلال شركة ثاندر لتداول الأوراق المالية، وهي شركة مرخصة في البورصة المصرية وخاضعة للهيئة العامة للرقابة المالية، ومسجلة في مصر برقم 804.
ايه هي توزيعات الأرباح؟
لما تشتري سهم في شركة، بتبقى واحد من المساهمين فيها. بعض الشركات بتختار توزّع جزء من أرباحها على المساهمين، وده اللي بنسميه توزيعات أرباح توزيعات الأرباح ممكن تكون:
- توزيعات نقدية
- توزيعات أسهم
مصطلحات مهمة في توزيعات الأرباح
- تاريخ الإعلان اليوم اللي الشركة بتعلن فيه نيتها توزيع أرباح وبتشارك المواعيد الأساسية للتوزيع.
- تاريخ الاستحقاق اليوم اللي الشركة بتراجع فيه سجل المساهمين. لو كنت محتفظ بالسهم في نهاية جلسة التداول في اليوم ده، يبقى ليك حق تستلم التوزيع.
- تاريخ نهاية الحق: آخر يوم يحق لك فيه إنك تستلم التوزيعات. لو اشتريت السهم في أو بعد تاريخ الاستحقاق مش هيتم صرف الأرباح ليك.
- تاريخ الدفع: اليوم اللي الشركة بتبدأ فيه فعليًا دفع التوزيعات للمساهمين.
التوزيعات النقدية
التوزيعات النقدية هي مبالغ مالية بتدفعها الشركة للمساهمين مقابل كل سهم يمتلكوه.
مثال: لو الشركة قررت توزيع 0.50 جنيه لكل سهم، وإنت معاك 100 سهم → هتستلم 50 جنيه.
- التوزيعات النقدية بتكون من أرباح الشركة أو من الأرباح المُرحلة.
- هيوصلك إيميل من ثاندر لو أنت مؤهل للتوزيع.
- طريقة استلام التوزيع بتعتمد على أمين الحفظ.
أمين حفظ ثاندر
التوزيع النقدي بيتضاف مباشرة لمحفظتك على ثاندر خلال 5 أيام عمل من تاريخ دفع الشركة.
أمين حفظ بيت التمويل الكويتي (الأهلي المتحد سابقًا)
البنك بيطلب استلام التوزيعات بشكل شخصي لاستلام التوزيع:
- زيارة أحد فروع البنك
- تقديم بطاقة الرقم القومي
- البنك بيصرف التوزيعات حسب تعليمات الشركة وسجلات الحفظ
الضرائب
بيتم خصم الضريبة تلقائيًا حسب القوانين:
- 5% للمستثمرين المصريين
- 10% للمستثمرين الأجانب
توزيعات الأسهم
توزيعات الأسهم هي أسهم مجانية بتمنحها الشركة للمساهمين بدل من قيمتها النقدية.
- مش بتستلم توزيع نقدي لكن بيتم إضافة أسهم جديدة لحسابك.
- ثاندر بتضيف الأسهم المجانية لحسابك تلقائيًا بعد ما الشركة تكمّل إجراءات التوزيع.
- مش مطلوب منك تعمل أي خطوة.
- الأسهم هتظهر في محفظتك أول ما عملية التحويل تتم بالكامل.
