حاول تتخيل صاحب مشروع. يمكن تفكر في صاحب مشروع صغير، زي صالون حلاقة أو كشك على الطريق. أو يمكن تفكر في رائد أعمال ملياردير. اللي غالبًا مش هتفكر فيهم هم عشرات الملايين من الناس اللي بيملكوا حصص صغيرة في شركات مدرجة في البورصة، لكنهم أصحاب مشاريع بردو. كل سهم بيمتلكوه هو جزء صغير من شركة كبيرة، واللي أي حد ممكن يشتريه ويبيعه في البورصة. الشركات اللي أسهمها بتتداول في البورصات دي بنسميها شركات مدرجة. الشركات الخاصة، من ناحية تانية، هي اللي بيمتلكها الناس اللي بنفكر فيهم عادة كأصحاب مشاريع – شخص واحد أو مجموعة صغيرة من الناس اللي أسسوا، أو بيديروا، أو بيستثمروا في المشروع.
إيه هي الشركة الخاصة؟
معظم الشركات الخاصة بتكون مشاريع صغيرة ومتوسطة. بتشمل صالونات الحلاقة والأكشاك اللي اتكلمنا عنهم، وكمان المطاعم، شركات البناء، المغاسل، وأنواع كتير تانية من المشاريع. بعض من أكبر الشركات في العالم بتكون بردو شركات خاصة، بس دول الاستثناء. ممكن تكون سمعت عن بعضهم: هواوي، إيكيا، مارس، وByteDance (الشركة ورا تيك توك) كلهم شركات خاصة، مثلاً.
إيه هي الشركة العامة؟
معظم أكبر الشركات في العالم مش بيمتلكها مؤسسينها أو المديرين التنفيذيين، لكن بتتقسم لملايين أو حتى مليارات الأجزاء الصغيرة اللي بيمتلكها المستثمرين. خد أمازون كمثال. فيه حاليًا 10.17 مليار سهم من أسهم أمازون، بيمتلكهم حوالي 7000 مستثمر. الغالبية العظمى من الأسهم دي بيمتلكها المستثمرين الأفراد، أو الناس العادية اللي بتستثمر في سوق الأسهم. ده شيء غير معتاد. على مستوى العالم، حوالي 41% من كل الأسهم بيمتلكها المستثمرين المؤسسيين، يعني منظمات زي البنوك، صناديق التحوط، وصناديق الاستثمار اللي بتستثمر مبالغ أكبر من الفلوس.
ليه شركة تروح للبورصة؟
الطرح العام الأولي، أو IPO، هو عملية الشركة “تروح للبورصة” – يعني تتحول من شركة خاصة لشركة عامة. فيه شوية مميزات للشركات إنها تروح للبورصة.
#1 النمو: الشركات بتحتاج فلوس عشان تكبر، وIPO وسيلة جذابة لجمع الفلوس. المساهمين بيدفعوا للشركة مقابل جزء من الملكية، والشركة تقدر تستخدم الفلوس دي للنمو.
#2 الحصول على فلوس: قبل IPO، المؤسسين والمستثمرين الأوائل بيمتلكوا أجزاء من الشركة، لكنهم مش بيقدروا يبيعوا الأسهم دي بسهولة. IPO بيبقى فرصة للمساهمين الأوائل دول يحولوا الأسهم اللي مش سائلة لفلوس.
#3 الوعي العام: ميزة تانية هي زيادة التغطية الإعلامية للشركة. وكالات الأنباء بتهتم أكتر بالشركات العامة، وزيادة الاهتمام دي ممكن تساعد الشركة في بيع منتجاتها.
ايه هي المتطلبات اللي بتلتزم بيها الشركات العامة؟
التنظيم والإفصاح: الشركات العامة بتخضع لتنظيمات حكومية أشد. على عكس الشركات الخاصة، لازم تعمل إفصاحات عامة منتظمة عن معلوماتها المالية. الامتثال للتنظيمات دي ممكن يكلف الشركة ملايين الدولارات سنويًا.المسئولية تجاه
المساهمين في القيادة: الشركات العامة بتكون مسؤولة أمام مساهميها. إدارة الشركة لازم تحافظ على رضا المساهمين، لأن المساهمين هم اللي عندهم القدرة على تعيين وإقالة القادة في الشركة.
![](https://thndr.app/learn/storage/sites/6/2022/08/IPO-small.png)