بتلاقي نفسك كتير بتسأل – فلوسي كلها راحت فين؟ التوفير وميزانية الفلوس مش بيجي بشكل طبيعي لمعظمنا. كبشر، دايمًا عايزين حاجات – دلوقتي. ده اسمه “الإشباع الفوري”. لكن مع إن كلمة “ميزانية” غالبًا بتيجي مع معنى الصرف المحدود، الميزانية مش لازم تكون محدودة عشان تكون ناجحة.
يعني إيه ميزانية؟
الميزانية هي خطة للصرف خلال فترة محددة – عادةً شهر. المفروض إنها تكون مصممة على أساس دخلك، عشان تضمن إنك بتصرف أقل من اللي بتكسبه.
الاحتياجات مقابل الرغبات
قبل ما تعمل ميزانية، لازم تفهم الفرق بين رغباتك واحتياجاتك – وده بيختلف من شخص للتاني. لما تصنفهم، هيبقى أسهل عليك تحدد الحتت اللي ممكن تقلل منها (عادةً رغباتك)، والحتت اللي مش ممكن تتغاضى عنها (عادةً احتياجاتك).
الرغبات:
دي حاجات مش أساسية أو رفاهيه، لكنك بتختار تشتريها. الرغبات مش بالضرورة تكون سيئة – بشكل معتدل، هي بتغذي جوانب مهمة في حياتك، زي التواصل مع الأحباب، الاستمتاع، والدلع.
أمثلة للرغبات:
- الطلبات الجاهزة
- تشترى هدوم جديدة
- اشتراكات الموسيقى والبث
الاحتياجات:
دي هي مصاريف المعيشة الأساسية لصحتك، وعائلتك، وشغلك.
أمثلة =للاحتياجات:
- البقالة
- الإيجار
- الأدوية
- المواصلات
- فواتير المرافق
![](https://thndr.app/learn/storage/sites/6/2022/06/Thndr_Learn_InArticle_Budgeting.png)
فلوسك بتروح فين؟
الميزانية ممكن تساعدك تكتشف الأماكن اللي بتصرف فيها أكتر من اللي متوقع، عشان تقدر تستخدمها بشكل أفضل في أماكن تانية. وكمان ممكن تكون مصممة بحيث تسمح لك تصرف كتير في أماكن معينة وتحقق أهدافك المالية. قبل ما تصمم ميزانيتك، مهم تعرف فلوسك بتروح فين دلوقتي.
-
احسب إجمالي دخلك الشهري: ده هيكون مرتبك بعد الضرايب، وأي مصادر دخل تانية زي الفوائد، دخل الإيجار، الأرباح، المعونات الحكومية، إلخ.
-
اجمع مصاريفك للشهر اللي فات: اجمع بيانات البنك، الفواتير، والاشتراكات، وأي إثباتات للدفع خلال الشهر اللي فات، واكتبهم كلهم في قائمة. جنب كل عملية شراء، اكتب إذا كانت “رغبة” أو “احتياج”، واحسب الإجمالي لكل منهم.
-
شوف الإجمالي: اطرح إجمالي مصاريفك من إجمالي دخلك – الرقم ده بيقولك إيه عن صحتك المالية؟ لو دخلك أعلى من مصاريفك، إنت كده ماشي في الطريق الصح! ولو مصاريفك بتتخطى دخلك دلوقتي، الميزانية ممكن تصلح ده.
-
تقسيمك الحالي بين الرغبات والاحتياجات: اقسم إجمالي مصاريفك على “الاحتياجات” على إجمالي دخلك، وكرر ده لمصاريفك على “الرغبات”. ده هيديك فكرة عن تقسيمك الحالي بينهم، ويساعدك تصمم ميزانية واقعية للمستقبل.
نصيحة محترف: ممكن تستخدم أداة الميزانية بتاعتنا. هتساعدك تحدد ميزانيتك الشهرية وتتابع مصاريفك بسهولة.
قاعدة 50/30/20
قاعدة 50/30/20 هي دليل يساعدك تقسم ميزانيتك لثلاث فئات: الاحتياجات، الرغبات، والأهداف المالية. القاعدة بتقترح إنك تقسم ميزانيتك بالشكل ده:
- 50% على الاحتياجات – زي: الأكل، المرافق، الإيجار
- 30% على الرغبات – زي: تذاكر السينما، نتفليكس، الأكل برا
- 20% على الأهداف المالية – زي: التوفير والاستثمار
لو دخلك بيكفي بالعافيه، ممكن تلاقي صعوبة في توفير 20% من دخلك بغض النظر عن عادات إنفاقك، خاصة لو بتدعم عيلة. لكن لو بتكسب مرتب كويس ومش بتدفع إيجار، تقسيمك ممكن يبقى زي: 40/20/40. مفيش مقاس واحد يناسب الكل للميزانية – ممكن تعدل النسب حسب ظروفك الشخصية.
مهما كانت حالتك دلوقتي، لازم تبدأ تقيس وتخطط فلوسك رايحه فين. ده ممكن يساعدك تبني عادات قوية في الإنفاق، التوفير، والاستثمار، وتحطك على طريق الحرية المالية.