أدي فريضتك بدقة ووضوح!
انطلاقًا من الأسئلة والنقاشات والاحتياجات اللي سمعناها من مجتمعنا، بنقدم لكم حاسبة الزكاة من ثاندر.
معتمدة من فضيلة الدكتور مجدي عاشور، المستشار العلمي السابق لمفتي جمهورية مصر العربية.
خلال رمضان الماضي، لاحظنا أسئلة الزكاة بتتكرر بشكل ملحوظ، مش كسؤال عام .. لكن كـأسئلة متكررة بسبب الحيرة:
- إزاي احسب زكاة الأسهم؟
- هل منتجات الادخار عليها زكاة؟
- طيب وصناديق الذهب؟
- ولو فلوسي موزعة على أكتر من أصل، أعمل إيه؟
ومع توسّع الناس في الاستثمار في منتجات مالية مختلفة، بقى واضح إن حساب الزكاة بدقة بيبقى احياناً اصعب، ومش واضح.
عشان كده، قررنا نسمع ونبدأ.
ومع توسّع الناس في الاستثمار في منتجات مالية مختلفة، بقَى واضح إن حساب الزكاة بدقة بقى أحيانًا معقّد ومربك. عشان كده قررنا نسمع كويس، ونبني حل أبسط.
إحنا في ثاندر مؤمنين إن إدارة فلوسك لازم تبقى سهلة, وده يشمل كمان أداء الزكاة بثقة وراحة بال.
ومن هنا سألنا نفسنا: ليه ما نخليش حساب الزكاة أسهل، ومتوفر مباشرة جوّه الأبلكيشن؟
إيه هي حاسبة الزكاة؟
حاسبة الزكاة هي أداة موجودة داخل ابلكيشن ثاندر في مركزي بتساعدك تحسب زكاتك وفقًا للمبادئ الإسلامية. والأحلى؟ بتملى بيانات محفظتك على ثاندر تلقائيًا، يعني أنت في نص الطريق من قبل ما تبدأ حتى!
إزاي بتشتغل؟
الخطوة الأولى: افتح الحاسبة
الحاسبة بتكتشف لغتك المفضلة تلقائيًا وتعرض لك حدّ النصاب الحالي (الحد الأدنى للثروة المطلوبة للزكاة وهي ٨٥ جرام ذهب عيار 21) بناءً على سعر الذهب اليوم.
الخطوة الثانية: إضافة أصولك
إضافة ثروتك في 8 فئات:
- النقد والأرصدة: حسابات بنكية، مدخرات، نقد
- الاستثمارات: أسهم، صناديق إستثمار، سندات
- الشهادات البنكية: شهادات الإيداع
- الذهب: عملات، سبائك، أومجوهرات
- الفضة: عملات، سبائك، أو مجوهرات
- العقارات: العقارات اللي تملكها
- الديون المستحقة لك: فلوس سلفتها لحد
- أصول تجارية: مخزون، مستحقات، نقد تجاري
الديون عليك: فلوس مديونة (دي بتقلل مبلغ الزكاة)
الخطوة الثالثة: ظهور النتيجة
بعد الضغط على “احسب الزكاة” هيظهر مبلغ زكاتك فورًا مع التفاصيل كاملة. ولو ثروتك أقل من حد النصاب، هتقولك إنك مش ملزم بدفع الزكاة السنة دي.
مميزات هتعجبك
تعبئة استثماراتك بذكاء: محفظة استثمارك على ثاندر، ثاندر كلاودز، ومحفظة الأسهم كلها بتتملي بشكل تلقائي. والباقي عليك بإضافة الأصول اللي مش موجودة على ثاندر.
حساب حسب الغرض: الأصول المختلفة ليها أحكام زكاة مختلفة حسب الغرض منها. الحاسبة هترشدك للحكم والمعاملة الصحيحة حسب كل نوع من الأصول.
حسبتك محفوظة: حتى لو خرجت من الحاسبة في أي وقت، هتقدر تكمّل من مكان ما خرجت.
السنة الهجرية أو الميلادية: اختار الحساب بناءً على السنة القمرية الإسلامية (نسبة 2.5%) أو السنة الميلادية (نسبة 2.577%).
الأفضل والأَولى إن الحساب يكون بالسنة الهجرية. بس لو حد مضطر يحسب بالسنة الميلادية، مفيش مشكلة.
معلومات سريعة
- أساس النصاب: 85 جرام من الذهب عيار 21
- نسبة الزكاة: 2.5% (هجري) أو 2.577% (ميلادي)
جاهز تحسب زكاتك؟
افتح ابلكيشن ثاندر ودوّر على حاسبة الزكاة في مركزي وابدأ على طول. دي أسهل طريقة تؤدي بيها فريضتك وتحسب كل بياناتك المالية في مكان واحد.
عندك أسئلة؟
لو محتاج أي مساعدة، فريق الدعم داخل الابلكيشن جاهز يساعدك. تواصل معانا وهنرشدك في كل خطوة! لمعرفة تفاصيل أكتر عن طريقة حساب المبلغ، تقدر تزور صفحة دعم حاسبة الزكاة.
