عملاق التعبئة والتغليف اللي بتشوف شغله ومنتجاته كل يوم من غير ما تكون عمرك سمعت عنه… بقى عندك فرصة تمتلك جزء منه!
من علب كشري التحرير لنشرات الأدوية اللي في الصيدلية… الشركة الوطنية للطباعة هي المحرك الخفي ورا منتجات بنستعملها في حياتنا اليومية. ودلوقتي، جاي وقت إنها تدخل البورصة وتفتح بابها للمستثمرين من خلال طرح عام للأسهمها.
من يوم الأحد 27 يوليو لحد الخميس 31 يوليو 2025، أي مستثمر يقدر يشارك في الطرح بسهولة ومن غير أي توتر. حتى لو دي أول مرة ليك في الاكتتابات… ده اكتتاب مختلف تمامًا:
- مؤسسي الشركة هما نفسهم اللي بيديروها لحد النهاردة.
- في 2011، ذراع الاستثمار التابع للبنك الدولي دخل يقدم قرض… وخرج كمستثمر لما اتبهر بالشركة.
- مستثمر واحد بس قرر يشترى الجزء الخاص من الطرح بالكامل.
- الطرح العام مرخص بالكامل من هيئة الرقابة المالية.
- في أول شهر، لو السهم ما طلعش، تقدر ترجع فلوسك كلها… من غير خسارة.
- الشركة دي بتنتج أكتر من 2 مليار عبوة في السنة، و230 ألف طن.
ده مش اكتتاب عادي… دي فرصة إنك تدخل واحدة من أقوى الصناعات في مصر.
الشركة بتبيع ايه؟
الشركة الوطنية للطباعة عندها أربع أنشطة مختلفة وكل واحدة فيهم جامدة بطريقتها!
- يوني بورد (Uniboard)
بتصنع ألواح الدوبلكس — دي الورق الكرتوني التقيل اللي بيبقى أبيض من ناحية ورمادي من التانية، وبتتشاف كتير في علب الكورن فليكس أو لعب الأطفال.ودي كمان مصدر مهم جدًا للتصدير عندهم. - بدّار (Baddar)
هنا بيصنعوا الألواح المموجة — اللي هي الكرتونة اللي دايمًا بتجيلك فيها أوردرات أمازون، فيها طبقة مموجة في النص بتديها قوة وتحمل. - ويندسور (Windsor)
دي المسؤولة عن الحاجات الورقية اللي بنستخدمها كل يوم تقريبًا، زي الأكواب الورقية، شوية كيماويات، وكمان الورنيشات. - مودرن الشروق
أكبر مطبعة في مصر تقريبًا! بيطبعوا كل حاجة من عبوات شاي ليبتون لحد كتب وأغلفة فخمة.
باختصار: شركة واحدة، أربع خطوط إنتاج، وكل خط له بصمته!
بس هل عشان الشركة قوية تبقى فرصة استثمارية قوية؟
سؤال مهم! وكتير مننا مش بيكون عنده الوقت أو الخبرة عشان ياخد قرار استثماري صح… ومش عنده نفس خدمات الاستشارات اللي بياخدها المستثمرين ذو الملاءة المالية العالية.
وهنا بييجي دور رامبل — منصة توصيات الأسهم ومستشارك المالي.
مع خبرة أكتر من 40 سنة مجمعة في أسواق المال في الشرق الأوسط، رامبلRumble بيشتغلوا على مدار الساعة، بيفلتروا مئات الأسهم عشان يقدمولك أفضل الفرص، وكل ده بـ 200 جنيه بس في الشهر.
خليك متابع، لأن فريق رامبل هيشارك تحليله لفرصة الاكتتاب في الشركة الوطنية للطباعة قريب جدًا.تقدر تشترك في رامبل هنا
خلاصة الاكتتاب:
| الشركة | الشركة الوطنية للطباعة |
| سعر السهم في الاكتتاب | 21.25 جنيه مصري |
| القيمة العادلة (حسب تقييم مستقل) | 28.27 جنيه مصري |
| حجم الشريحة العامة من الطرح | 5% من أسهم الشركة |
| الحد الأدنى للاكتتاب | 100 سهم |
| صندوق الاستقرار | بيغطي 100% من الطرح العام (لمدة شهر) |
| تاريخ بداية الاكتتاب | 27 يوليو 2025 |
| تاريخ نهاية الاكتتاب | 31 يوليو 2025 |
لو عايز تقرأ النشرة الرسمية للاكتتاب، تقدر تلاقيها هنا.
ليه Thndr هو أسهل وأسرع طريقة تكتتب بيها؟
زمان، الاكتتاب كان مرهق ومليان ورق وتعقيدات… دلوقتي Thndr غيرت اللعبة تمامًا:
- بدون ورق ولا مشاوير: كله بيتم من خلال التطبيق.
- كل حاجة في مكان واحد: شحن محفظتك، الاشتراك في الاكتتاب، ومتابعة استثمارك… كله من على موبايلك.
- أكتر من 12,000 شخص اشتركوا في آخر طرح عام من خلال Thndr.
تقدر تكون شريك فالشركة ف3 خطوات بسيطة:
- حمّل تطبيق Thndr وافتح حساب استثماري (بياخد أقل من 5 دقايق)
- شحن المحفظة: جهّز فلوسك قبل بداية الاكتتاب
- ادخل على “الوطنية للطباعة” وقدم أمر الشراء بسهولة
حاجتين لازم تاخد بالك منهم:
- الاكتتابات بتكون Over-subscribed يعني ممكن ما توصلكش كل الأسهم اللي طلبتها… بس فلوسك اللي ما استخدمتش هتترجع على محفظتك في Thndr.
- ضاعف فرص تخصيصك: استخدم ميزة ثندر للاكتتاب بمبلغ يصل إلى 4 أضعاف رصيد محفظتك، لكن كن مستعد تكمّل الفرق إذا ما تمش تغطية الاكتتاب بالكامل (وهو احتمال ضعيف).
- اليوم ال30 من الشهر بعد بداية تداول السهم؟ حط تنبيه: لو السهم ما طلعش، ممكن تسترد استثمارك بالكامل… وThndr هيبعتلك إشعارات وتنبيهات.
اكتتبت؟ حلو… اعمل إيه بالفلوس اللي ما استخدمتهاش؟
الاكتتابات دايمًا عليها طلب عالي، فمش غريب لو اكتتبت بـ 10,000 جنيه وتخصّصلك بس 2,000.
بس مش لازم الفلوس الباقية تفضل نايمة! عندك 3 حلول ذكية على Thndr:
ثاندر كلاودز
عوائد عالية زي الصناديق… وسيولة زي حساب التوفير.
عوائد تصل لـ 19.5% سنويًا زي صناديق الدخل الثابت، تقدر تسحب فلوسك في أي وقت، 24/7.
مفيش انتظار يومين زي الصناديق!
Thndr Alpha
جاوب على 3 أسئلة بس، وخد محفظة استثمارية متوازنة مصممة ليك.
ذهب، أسهم، أدوات دخل ثابت… كلها بحسب هدفك ومستوى المخاطرة اللي تقدر تتحمله.
رامبل
استشارات استثمارية احترافية… بـ 200 جنيه في الشهر بس!
فريق من محللين بخبرة سنين بيحللوا السوق وبيوصّلك أفضل الفرص… من غير صداع أو وجع دماغ. اشترك في رامبل
جاهز للاكتتاب؟
حمّل Thndr دلوقتي وعيش التجربة الاستثمارية زي ما المفروض تكون.
