المصريين بيحبوا العقار — وده منطقي . هو مجال معروف، موثوق، وناس كتير شايفاه من أفضل الطرق لبناء الثروة على المدى الطويل.
بس إيه رأيك تستثمر في العقارات من غير ما تشتري شقة، تستنى تسليمها، أو تتعامل مع مستأجرين؟
ده بالضبط اللي بتقدّمه شركة بنيان دلوقتي!
شركة بنيان للتنمية والتجارة بتطرح أسهمها في البورصة — وبتفتح الباب للاستثمار في عقارات تجارية ومكاتب إدارية جاهزة، مؤجرة، وبتدخل دخل ثابت. زي Walk of Cairo مثلًا.
فرصة من غير مخاطر — الاكتتاب جاي مع صندوق استقرار، يعني لو السهم نزل في أول ٣٠ يوم، ممكن تسترجع فلوسك بالكامل.
ليه اكتتاب بنيان مختلف؟
مش مطوّر عقاري. مش صندوق استثمار
بنيان مش شركة بتوعد تبني شقق وتبيعها. ومش صندوق استثمار عقاري . بنيان شركة بتحقق دخل من أصول حقيقية، وبتأجّر لعُملاء وليها دخل شهري . ولما تستثمر، إنت بتاخد جزء من الدخل ده.
أصول جاهزة بتولد عائد منتظم
- 10 عقارات تجارية مميزة في شرق وغرب القاهرة
- نسبة إشغال 93% مع 119 مستأجر
- أسماء كبيرة زي: نستله، التركية للطيران، فودافون، GE، جونسون آند جونسون، جروهي
- 56٪ من الإيجارات بالدولار — حماية ضد التضخم
- دخل من الايجارات + ارتفاع في قيمة الأصول
- كل العقارات جاهزة ومؤجرة — مفيش مخاطر بناء
- شركة مُدارة بشكل احترافي من فريق خبراء
صندوق استقرار = استثمار من غير مخاطرة!
زي طروحات تانية حصلت قبل كده، الطرح ده فيه “صندوق اسقرار”. يعني لو استثمرت وسعر السهم نزل في أول شهر، تقدر تسترد فلوسك بالكامل
مقارنة ما بين بنيان و طرق استثمار تانية في العقارات
أداء الطروحات الأولية الأخيرة
كتير من الاكتتابات العامة في مصر حققت عوائد قوية في أول يوم تداول ليها:
- فوري (FWRY) في 2019: عوائد +30%
- إي فاينانس (EFIH) في 2021: عوائد +50%
- أكت فاينانس (ACTF) في 2024: عوائد +29%
حتى الاكتتابات اللي بدأت ببطء زي مجموعة ماكرو (MCRO) في 2022 (السهم خسر 35% بعد 30 يوم) كانت برضه فرصة خالية من الخسارة، لأن المستثمرين قدروا يستردوا استثمارهم بالكامل باستخدام صندوق الاستقرار بتاع الطرح.
أهم التفاصيل
ولو حابب تعرف تفاصيل اكتر عن الطرح، تقدر تقرأ نشرة الاكتتاب اللي أصدرتها شركة بنيان من هنا.
ممكن كمان تطّلع على تقرير التقييم اللي عمله المستشار المالي المستقل (IFA) هنا.
إزاي تستثمر في اكتتاب بنيان؟
١. نزّل تطبيق ثاندر وافتح حساب استثمار (لو ماعندكش حساب)
٢. موّل محفظتك بأي وسيلة تناسبك (إنستا باي، فودافون كاش، تحويل بنكي…)
٣. ابحث عن “BONY” على التطبيق وقدّم طلب الشراء
لو مستثمر مؤهل وعايز تشترك في الطرح الخاص، شوف [المقال ده]
شوية حاجات لازم تبقى عارفها لو دي اول مرة تشترك في اكتتاب
- الاكتتابات ممكن تتغطى زيادة: لو ده حصل ماتلقش، ممكن تاخد عدد أسهم أقل والباقي بيرجع لمحفظتك.
- تقدر تكتتب بـ ٤ أضعاف رصيدك، ولو الطرح ما اتغطاش، لازم تكمل المبلغ خلال المهلة.
- لو سعر السهم نزل، لازم تفتكر تسترد فلوسك بعد ٣٠ يوم – التطبيق هيبعتلك تنبيه.
خلاصة الكلام:
ده استثمار عقاري… بس بشكل مختلف ، أأمن، دخل حقيقي ومن غير تعقيد .
سواء بتستثمر لأول مرة أو عايز تنوّع استثماراتك، اكتتاب بنيان فرصة تستاهل تتحجز.
