تحويشّتك ممكن تودّيك لأكبر بطولة في افريقيا!

إيه اللي ممكن تكسبه؟

هنختار الفائزين عن طريق سحب عشوائي يوم 2 يناير 2026.

كل ثنائي فائز هيحصل على:

• تذكرتين لحضور مباراة ربع نهائي 2025 أكبر بطولة في افريقيا (10 يناير) في مراكش
• تذاكر طيران ذهاب وعودة إلى المغرب
• إقامة خلال الرحلة

إمتى هتعرف؟ وإيه التفاصيل المهمة؟

يوم 2 يناير هنتواصل مع الفائزين مباشرةً عن طريق الموبايل والإيميل علشان نبلغهم إنهم كسبوا.

وبما إن المسابقة بتكافئ التزامك أنت وصاحبك، هنحتاج منك:

• اسم المستخدم (Username) الخاص بصاحبك على ثاندر
• الاسم الكامل لصاحبك

  بعد كده هنعمل مراجعة سريعة للتأكد إن صاحبك كمان:

• عنده حساب ثاندر
• عمل كلاود إدخار بإسم AFCON أو أمم أفريقيا
• وحافظ على 1,000 جنيه على الأقل لحد آخر المسابقة

  وكمان:

• اتأكدوا من ان كود الـFan ID الخاص بيكم يكونوا جاهزين ومُوَثّقين على تطبيق يلا قبل مكالمتنا
• وبعدها هنعمل تأكيد سريع إن صاحبك مستوفي الشروط كمان: عامل كلاود إدخار أمم أفريقيا الخاص بيه، وفيه ١٠٠٠ جنيه حد ادني لحد موعد الإقفال

لو كل ده تمام، الفوز بيتأكد ليكم أنتم الاتنين.

مهم جدًا: لو إنت ملتزم بالشروط، لكن صاحبك مش ملتزم، مش هتكسبوا الجائزة لأي حد فيكم. دي مسابقة ثنائية: يا تكسبوا سوا يا ما تكسبوش.
وفي المقابل، ده معناه إن فرصتك بتزيد: شخصين بيحوّشوا، بس الهدف واحد ومشترك.

تواريخ مهمة

• فترة الاشتراك: الجمعة 26 ديسمبر 2025 (7:00 مساءً) – الخميس 1 يناير 2026 (11:59 مساءً)
• مراجعة الأهلية والسحب: الجمعة 2 يناير 2026
• الرحلة: من الخميس 8 يناير – الاثنين 12 يناير 2026
• مباراة ربع النهائي: السبت 10 يناير 2026 – ستاد مراكش (Stade de Marrakech)

الشروط والأحكام

 مدة المسابقة

تبدأ المسابقة من الجمعة 26 ديسمبر 2025 الساعة 7:00 مساءً وحتى الخميس 1 يناير 2026 الساعة 11:59 مساءً (بتوقيت القاهرة).

الأهلية

• المسابقة متاحة لمستخدمي ثاندر المؤهلين اللي بيكملوا كل خطوات المسابقة المطلوبة
• لازم المشاركين يكونوا مؤهلين قانونيًا للسفر
• لازم يكون مع كل مشارك جواز سفر ساري وقت تأكيد الفوز وحتى ميعاد نهاية الرحلة عشان يكون مؤهل لإستلام الجائزة
• لو الفائز أو المرافق عمره 18 سنة أو أقل، هيكون مطلوب موافقة ولي الأمر كتابةً للسفر واستلام الجائزة
• ثاندر من حقها تستبعد أي مشاركة مكررة أو احتيالية أو مخالفة لسياسات ثاندر

اختيار الفائزين

• هيتم اختيار الفائزين عن طريق سحب عشوائي من كل الثنائيات المؤهلة بعد موعد الإقفال
• ولو اتضح إن الفائز أو المرافق غير مؤهل، ثاندر هتختار فائز بديل

إخطار الفائزين

• هيتم اختيار الفائزين وإجراء مكالمات التأكيد يوم الجمعة 2 يناير 2026
• وسيتم التواصل مع الفائزين عبر الهاتف، ثم عبر البريد الإلكتروني باستخدام بيانات التواصل المسجلة في حساب ثاندر

التحقق من الفوز ومواعيد الإستجابة

• نافذة التحقق: لازم الفائز (والمرافق) يقدّموا كل المستندات المطلوبة علي نهاية يوم الجمعة، 2 من يناير. عدم الالتزام يؤدي إلى فقدان الجائزة واختيار فائز بديل
• إمكانية التواصل: لو ماقدرناش نوصل للفائز خلال 4 ساعات (ابتداءً من الساعة 2 مساءً)، من حق ثاندر اختيار فائز بديل
• تطابق الهوية: لازم الأسماء المُقدَّمة تكون مطابقة تمامًا لبيانات جواز السفر. أي اختلاف ممكن يسبب عدم القدرة على إصدار تذاكر الطيران أو تذاكر المباراة، وقد يؤدي إلى الاستبعاد

تفاصيل الجائزة

كل ثنائي فائز هيحصل على:

• تذكرتين (2) لمباراة ربع النهائي (10 يناير 2026) في مراكش
• تذاكر طيران ذهاب وعودة للمغرب
• إقامة خلال تجربة حضور المباراة

ملاحظة: الجائزة غير قابلة للتحويل ولا استبدال بمقابل نقدي.
وعدم تقديم مستندات السفر المطلوبة (بما في ذلك جواز سفر ساري، وموافقة ولي الأمر عند الحاجة) يؤدي إلى الاستبعاد.

ماذا تشمل الجائزة وماذا لا تشمل؟

• الجائزة لا تشمل: الوجبات والمصاريف اليومية
• التنقلات داخل البلد
• رسوم التأشيرة
• تأمين السفر
• ليالٍ إضافية، ترقية الغرف، أو المصروفات الشخصية (زي التسوّق، شريحة موبايل، التجوال، إكراميات، الترفيه، إلخ…)
• أي تكاليف ناتجة عن تفويت الرحلات، التأخر، أو عدم الحضور

الاستبعاد

ممكن يتم استبعادك أنت أو المرافق لو:

• اسم كلاود الإدخار مش مطابق بالضبط: “AFCON” أو “أمم أفريقيا”
• المبلغ الممول أقل من 1,000 جنيه وقت الإقفال
• لم يتم تقديم جواز سفر ساري أو موافقة ولي الأمر عند الحاجة
• لم يتم تقديم مستندات السفر المطلوبة (بما في ذلك تصريح السفر إن طُلب)
• المشاركة مكررة/احتيالية أو مخالفة لسياسات ثاندر
• فشلت في تقديم كود Fan ID  لإتمام شراء تذاكر المباراة

أحكام عامة

• • الفائزين مسؤولين عن توفير مستندات السفر المطلوبة
  • مطلوب من الفائزين/ الذكور تقديم تصريح سفر ساري (متعلق بالخدمة العسكرية) 
  • إذا تعذر تقديم المستندات المطلوبة خلال الإطار الزمني المحدد، قد تختار ثاندر فائزًا بديلًا
  • ثاندر تحتفظ بحقها في تعديل أو تعليق أو إلغاء المسابقة عند الحاجة لأسباب تشغيلية أو قانونية
  • بالمشاركة، يوافق المشاركون على أن ثاندر يمكنها التواصل معهم بخصوص المشاركة وتسليم الجائزة
  • مفيش بديل نقدي: الجائزة مش بتتبدّل بكاش ولا بأي بديل تاني
  • الجائزة مش قابلة للتحويل: ماينفعش تتنقل لحد تاني أو تتصرف فيها باسم شخص غيرك
  • الـمرافق ثابت: الشخص المرافق لازم يكون مؤهل حسب شروط المسابقة وبعد التحقق، ومش مسموح بتغييره
  • مسؤوليتك الشخصية: إنت والـمرافق مسؤولين عن صحتكم وسلامتكم وسلوككم طول السفر
  • شروط الجهات المنفّذة بتسري: الرحلة والتذاكر خاضعين لشروط وسياسات شركة الطيران والفندق ومزوّد التذاكر

متطلبات السفر والدخول

• التأشيرة: الفائزين والمرافقين مسؤولين عن استخراج أي تأشيرة أو تصريح دخول مطلوب. لو التأشيرة اترفضت أو اتأخرت، ممكن الجائزة تستبعد ومفيش بديل نقدي
• رفض السفر/الدخول: لو حصل رفض للسفر أو الدخول من أي جهة (زي شركة الطيران أو الهجرة)، ثاندر مش هتكون مسؤولة وممكن الاستبعاد من الرحلة
• الاشتراطات الصحية: لازم الفائزين والمرافقين يلتزموا بأي متطلبات صحية أو تطعيمات خاصة بالسفر لو موجودة
• مواعيد السفر ثابتة: مواعيد السفر وخطة الرحلة ثابتين. أي تغيير (لو مسموح) هيكون حسب التوافر وممكن يكون على حساب الفائز
• للفائزين/المرافقين الذكور: ممكن نطلب منكم تصريح سفر ساري (خاص بالخدمة العسكرية)
• مواعيد الطيران: الفائز والمرافق لازم يسافروا على خط سير الرحلة اللي Thndr هتشاركه.
• فوات الرحلات: لو الفائز أو المرافق فوّت أي رحلة ذهاب أو عودة لأي سبب، او منع الصعود بسبب الأوراق، ظروف شخصية… إلخ)، Thndr مش مسؤولة عن إعادة الحجز أو بدائل السفر أو الإقامة أو أي تكاليف مرتبطة
• تغييرات شركة الطيران: مواعيد الرحلات ومساراتها ممكن تتغير حسب ظروف تشغيل شركة الطيران. Thndr مش مسؤولة عن التأخير أو الإلغاء أو إعادة الجدولة خارج عن سيطرتها

التنّقل

• التنقّل داخل البلد: تكاليف التنقّل داخل المغرب (بما يشمل — على سبيل المثال لا الحصر — التاكسي، تطبيقات النقل، المواصلات العامة، التنقّل بين المدن، والتنقّل يوم المباراة) تقع على مسؤولية الفائز/المرافق
• التأخيرات الناتجة عن تصرّفات شخصية: أي تكاليف تنقّل إضافية ناتجة عن تأخيرات شخصية، أو تفويت نقاط التجمع، أو تغييرات في خطة الرحلة تكون على مسؤولية الفائز

الإقامة

• نوع الغرفة: هيتم حجز الإقامة في غرفة مزدوجة لكل فائز ومعاه الـ مرافق (غرفة واحدة لكل ثنائي)
• سياسات الفندق: بعض الفنادق ممكن تشترط غرف منفصلة في حالات معينة (زي الثنائيات المختلطة أو حسب سياسة الفندق/التوافر). لو اتطلبت غرف منفصلة، أي تكلفة إضافية للغرفة أو أي ترقية هتكون على الفائز/المرافق
• التغييرات أو الترقيات: أي طلب لتغيير/تمديد/ترقية/استبدال الإقامة (زي تغيير الفندق، نوع الغرفة، التواريخ، أو إضافة ضيوف) بيكون على مسؤولية الفائز وتكلفته بالكامل، ووفقًا لتوافر الفندق وسياساته. ثاندر غير مسؤولة عن أي تكاليف أو غرامات أو خسائر ناتجة عن التغييرات دي.
• المصاريف الإضافية بالفندق: أي مصاريف جانبية أثناء الإقامة (زي الميني بار، خدمة الغرف، تلفيات، غرامات، تأخير تسجيل الخروج، ضيوف إضافيين، أو سرير/مفروشات إضافية) على مسؤولية الفائز/المرافق بالكامل

السلوك والمسؤولية

• السلوك: وإنتوا في الرحلة، لازم تلتزموا بالقوانين المحلية، وقواعد الملعب، وتعليمات الطيران، وسياسات الفندق، وأي تعليمات من فريق ثاندر تكون ضرورية للتنظيم
• المسؤولية: في حدود اللي يسمح به القانون، ثاندر مش مسؤولة عن أي إصابة/فقدان/سرقة/تأخير/إلغاء أو مشاكل تحصل بسبب أي طرف ثالث (زي شركة الطيران، الفندق، أو الجهة المنظمة للمباراة)
• لو حصل تصرّف يسبب تكلفة: أي تصرف ينتج عنه غرامات أو تعويضات أو رسوم إضافية (زي تلفيات في الفندق، مخالفات أو عقوبات في الاستاد، أو أي رسوم مرتبطة بالتنقّل) بيكون على الفائز/المرافق، وثاندر مش هتتحملها
• الاستبعاد من الرحلة: لو حصل سلوك فيه مخاطرة على السلامة، ثاندر من حقها تستبعد الفائز/المرافق من الرحلة/التجربة. وفي الحالة دي، أي تكلفة ناتجة عن الاستبعاد بتكون على الفائز/المرافق

القوة القاهرة، التغييرات التشغيلية

• تغييرات في الحدث أو السفر: لو اتغيّر موعد المباراة أو مكانها أو ترتيبات السفر، أو لو اتلغى الحدث لأسباب خارجة عن إرادة ثاندر، يحق لثاندر استبدال الجائزة بتجربة مماثلة أو إلغاء الجائزة، بدون أي تعويض نقدي
• قيود المورّدين: تذاكر الطيران والإقامة وتذاكر المباراة تعتمد على التوافر. اختيارات ثاندر وقرارات الحجز نهائية

المفقودات  والأمتعة

• مشاكل الأمتعة: ثاندر مش مسؤولة عن أي شنط أو متعلقات شخصية تضيع، تتأخر، أو تتلف. أي شكوى/مطالبة لازم تتقدّم مباشرةً لشركة الطيران أو الفندق أو الجهة المسؤولة
• المقتنيات الثمينة: الفائزين مسؤولين عن تأمين جوازات السفر، الفلوس، وأي حاجات ثمينة

الثنائي والاستبدال

• مفيش استبدال او تغيير للمرافق: بعد ما يتم تأكيد الفائز والمرافق ونبدأ إجراءات الحجز، مش هينفع تغيّر المرافق
• استبعاد للاتنين: لو في أي مرحلة اتضح إن الفائز أو المرافق مش مؤهل، الثنائي كله هيبقى غير مؤهل، وممكن يتم اختيار فائز بديل
• لو مش عارفين نوصل لك: لو تعذر التواصل مع الفائز خلال 4 ساعات (بدءاً من الساعة 2:00 مساءً)، من حق ثاندر تختار فائز بديل.
• التأشيرة/تصاريح الدخول مسؤوليتك: الفائز والمرافق مسؤولين عن استخراج أي تأشيرة أو تصريح دخول مطلوب. لو التأشيرة اتأخرت أو اترفضت، ممكن ده يأثر على استلام الجائزة، ومفيش بديل نقدي.
• Fan ID: الفائز والمرافق مسؤولين عن عمل Fan ID بنفسهم من خلال تطبيق Yalla الرسمي.

تصوير المحتوى وحقوق استخدامه

• التصوير: بمجرد قبول الجائزة، إنت والمرافق بتوافقوا إن ثاندر ممكن تصوّر فيديو وتاخد صور طوال أيام الرحلة وفي أكتر من مكان، زي (على سبيل المثال, لا الحصر له) المطار، خلال التنقّل، الشوارع، الأماكن العامة في الفندق، المطاعم، وداخل الاستاد — مع الالتزام بقواعد كل مكان
• حقوق الاستخدام: بتمنحوا ثاندر حق استخدام أي محتوى يتم تصويره (صور/فيديو/صوت)، وكمان الاسم والصورة/الظهور، في تسويق واتصالات ثاندر على كل القنوات (سوشيال، الموقع، رسائل العملاء، علاقات عامة، الكوميونيتي… إلخ) من غير أي مقابل إضافي، إلا لو القانون بيمنع ده
• المشاركة جزء من الرحلة: لو الفائز أو الـمرافق رفضوا المشاركة في التصوير الفوتوغرافي خلال الرحلة، ثاندر ممكن تعتبر ده عدم استيفاء لمتطلبات الجائزة، وساعتها من حقها اختيار فائز بديل

تم إعداد هذه المسابقة رقم 501 لسنة 2025 بعد موافقة جهاز حماية المستهلك.