*النسبة المتوقعة هي تقدير مبني على الاستثمارات الحالية، والمصاريف الخاصة بالصندوق. وبيتم التعبير عنها كنسبة عائد سنوي مستند على العائد اليومي..
بتدور على طريقة أحسن تزود بيها فلوسك المركونة؟ ثاندر زودت منتجاتها الاستثمارية وعملتلك “محفظة الادخار” بميزة الكلاودز اللي هتقدر تحقق معاها أعلى عائد، وتكون مرنة وكمان بتحقق تجربة ادخارية ملهاش مثيل.
محفظة الادخار، انت بعد خطوة واحدة من أحلامك
المحفظة دي متقسمة لحاجة اسمها “كلاودز الادخار”، طيب هو ده يعني إيه؟ الكلاودز دي هتساعدك تقسم ادخارك وتكبر فلوسك بعائد يصل ل19.5% سنوياً من غير حد أدنى للادخار! لو عاوز تحوش لمناسبة مهمة أو عايز تشغل فلوسك بطريقة مفيدة، الكلاودز دي هتساعدك تعمل ده وكمان تحقق عائد كبير يناسب أحلامك وفي متناول ايدك في أي وقت.
ومحفظة الادخار دي منفصلة عن محفظة الاستثمار على ثاندر تماماً وتقدر تتنقل ما بين المحفظتين بسهولة ومن غير تعقيدات.
ليه عملنا محفظة ادخار؟
إحنا في ثاندر، فاهمين كويس قد إيه مهم إنه يكون عندك طريقة موثوقة وسهلة تزود بيها مدخراتك. كلنا كمصريين عارفين طرق الادخار المعتادة اللي بتحبس فلوسك لفترات طويلة، لكن مع محفظة الادخار دي، الموضوع هيتغير. عملناها عشان تقدر تحقق عوائد بسهولة، من غير قواعد معقدة أو حد أدنى للادخار‘ كلاودز الادخار دي مختلفة عن طرق الادخار العادية اللي احنا متعودين عليها.
أهم مميزات محفظة الادخار
- 19.5% عائد على المدخرات بدون قيود: حقق عائد متوسط يصل الى 19.5% سنويًا وأنت محافظ على فلوسك دايمًا جاهزة وتقدر توصلها في أي وقت. مافيش فترات إغلاق، مافيش انتظار—عائد فقط!
- مافيش حد أدنى: مش محتاج ثروة عشان تبدأ تدخر – اختار أي مبلغ، سواء كبير أو صغير، وابدأ في اختيار كلاودز الادخار الخاصة بيك. مافيش حد أدنى مطلوب، كل اللي محتاجه هو إنك تبدأ!
- مافيش حد أقصى: مافيش حد أقصى لحجم المدخرات اللي تقدر توفرها. سواء كان المبلغ صغير أو كبير، أنت اللي بتتحكم في مدخراتك!
- موثوق وآمن: كلاودز الادخار مرتبطة بصندوق استثماري موثوق ومنظم من الهيئة العامة للرقابة المالية (FRA)”ثاندر توفير” هتقدر تستمتع بإدارة فلوسك بشكل آمن وشفافية.
- شوف الفلوس بتكبر يوم بعد يوم: ده بجد، العوائد يومية – شوف الكلاودز بتاعتك تكبر كل يوم لحد ما توصل لهدفك وتحقق حلمك
- تجربة ادخار سهلة وبسيطة: مع ثاندر، تقدر تدخر في كلاودز مختلفة، تحدد أهدافك المالية، وتخصص تجربتك عشان التوفير يبقى أكثر متعة وفعالية. حابب توفّر لرحلة لدبي؟ أو تشتري موبايل جديد؟ أو تدفع مصاريف المدارس لأولادك؟ فقط حدد هدفك، اختر من الأيقونات المتاحة، وابدأ في تحقيق أحلامك!
- تحويل فوري، غير محدود ومجاني بين التوفير والاستثمار: لو أنت مستثمر مع ثاندر من قبل كدة، هتقدر تحوّل فلوسك بسهولة بين محفظة الادخار ومحفظة الاستثمار —علشان مايفوتكش أي فرصة استثمارية لما يكون الوقت مناسب.
- رقمي بالكامل وسهل تبدأ: الادخار مع ثاندر كله رقمي—مفيش ورق، مفيش فروع، تقدر تعمل حاجة من على موبايلك.
هل كلاودز الادخار من ثاندر مناسبة ليا؟
أيوة، الاجابة ببساطة إنه زي ما لازم كل فرد يستثمر، لازم كل فرد كمان يدخر. والإدخار مهم سواء كان لأهداف قصيرة أو متوسطة المدى. وبالتالي كلاودز الادخار مثالية لأي حد عايز فلوسه تشتغل وتكبر – من غير تعقيد (وكمان يمر بتجربة ممتعة – بصراحة، لو في فرصة، ليه لأ؟)
ولو كنت مستثمر بالفعل، كتير من مستخدمينا قالوا إنهم بيسيبوا فلوسهم الاحتياطي “في الدرج” وبيفوتوا فرص تحقيق عوائد. فا إحنا فكرنا نحل ده إزاي ونخليك تحافظ على فلوسك بأمان وفي نفس الوقت تشوفها بتكبر. ولما تحتاجها للاستثمار، تقدر تحوّلها على طول.
أنا جاهز أدخر، أعمل إيه؟
تقدر تبدأ بسهولة جدًا! اتبع الخطوات دي:
- افتح صفحة المحفظة في تطبيق ثاندر.
- هتلاقي في أعلى الصفحة على اليسار زر لتحويل محفظتك الاستثمارية إلى محفظة الادخار.
- حول فلوسك، وابدأ في تحقيق عائد على طول
إيه تاني ممكن تلاقيه على ثاندر؟
على ثاندر، بنفخر إننا عندنا كل منتجات الاستثمار اللي كل فرد محتاجها في مصر – هتلاقي مجموعة كبيرة من خيارات الاستثمار، زي
- أسهم الشركات: استثمر في الشركات الكبرى وامتلك جزء من شركتك المفضلة.
- الذهب: احمي مدخراتك من التضخم وتقلبات العملات مع صناديق الذهب.
- صناديق الأسهم: خلي مديري الخبرة يكبروا ثروتك عن طريق الاستثمار في شركات عالية الأداء بالنيابة عنك.
- صناديق الدخل الثابت: اكسب عوائد ثابتة وخلّي مدخراتك تكبر مع صناديق الدخل الثابت.
- محفظة الادخار: مثالية لأي حد عايز فلوسه تكبر بسهولة ويشوف عوائد يومية.
ده الوقت المناسب عشان تخلي مدخراتك تشتغل أكتر ليك وتعمل أكتر كل يوم لمستقبلك! 
لو عندك أي أسئلة؟ إحنا هنا للمساعدة!
لو محتاج مساعدة، فريق الدعم داخل التطبيق جاهز يساعدك في كل خطوة. تواصل معانا، وهنتأكد إن عندك كل المعلومات اللي محتاجها! كمان ممكن تراجع الأسئلة الشائعة (FAQ) علشان تلاقي إجابات سريعة لأسئلتك.
لو عايز تعرف تفاصيل أكتر عن الصندوق، اضغط هنا
