الانتظار خلص! المستثمرين كانوا مستنيين بفارغ الصبر اكتتاب عام جديد من آخر اكتتاب في 2022. فاكر إي فاينانس؟ المستثمرين عملوا 50% عوائد في الاكتتاب العام وقتها وده كان في اليوم الأول بس. دلوقتي، السوق مليان بحماس تاني والأنظار كلها على Act Financial، آملين إنهم يقدروا يحققوا العوائد دي تاني.
الاستثمار في الاكتتاب العام لشركة Act Financial من على تطبيق ثاندر استثمار مفيهوش خسارة (كمل المقال وهتعرف إحنا ليه بنقول كده!) يقدر يحقق عوائد للكل، من المستثمرين الجداد للمستثمرين المحترفين اللي عايزين يحققوا أول خطواتهم الاستثمارية بالاكتتاب.
لو شايف إن دي فرصة مناسبة ليك (وإحنا شايفين كده طبعاً!) هنرشدك لمعلومات أساسية محتاج تعرفها عن الطرح العام..
أول خطوة – يلا نعرف أكتر عن الشركة – مين Act Financial؟
Act Financial هي شركة استثمارية مصرية تأسست في عام 2015، تركز على سوق الأسهم المصرية. بيتبعوا نهج استثمار نشط – يعني بيشتروا حصة في شركة بهدف التأثير على قراراتها، على عكس المستثمر السلبي اللي بيستثمر بس منغير تدخل.
تعالى نقولك إحنا ليه متحمسين على الاكتتاب ده:
اكتتاب شركة Act Financial فرصة متتفوتش لأكتر من سبب:
- أول اكتتاب عام من فبراير 2022: متحمسين نعرف لو ده هيكون عهد جديد في سوق الأسهم المصرية من بعد صفقة رأس الحكمة.
- طريقة مختلفة للاستثمار في الأسهم: تقدر تكون جزء من شركة بتستثمر في شركات مدرجة علنًا وتمتلك حصة مؤثرة في الشركات دي.
- والأهم من ده كله، إنه نوع اكتتاب عام “مفيهوش مخاطرة ولا خسارة” – تقدر تضمن فيه فلوسك.
هو الاستثمار ده مناسب ليا؟
الاكتتاب العام بيناسب نوعين من المستثمرين:
أنا مستثمر جديد: لو كنت جديد في مجال الاستثمار، فدي أسهل طريقة تبدأ في المجال ده، بفرصة مفيهاش مخاطرة (كمل المقال عشان تعرف أكتر). الاكتتاب العام ده هيسمحلك تتعلم أكتر عن سوق الأسهم وإزاي تعمل فلوس منه.
أنا مستثمر نشط: لو أنت خبرة في سوق الأسهم، فإنت عارف إنك لازم تعمل بحثك. كل اكتتاب جديد بيمثل فرصة استثمار جديدة. وبالرغم من كده، زي أي استثمار في شركة، مهم إنك تفهم نموذج العمل، إمكانيات النمو، جودة القيادة والوضع المالي. وكمان مهم إنك تحدد إذا كان تقييم الشركة عادل، أقل من قيمتها أو أعلى من قيمتها. إحنا بنوضح لك هنا أهم المؤشرات اللي بنعتقد إنك لازم تراجعها.
حاجات المبتدئين محتاجين يعرفوها:
أولاً، مهم تفهم يعني إيه اكتتاب وإزاي بيتعمل – بنوصيك تقرا مقالتنا المبسطة على منصة ثاندر Learn وهتقدر تعرف الحاجات دي.
لما بنقول إنه استثمار “مفيهوش مخاطرة”: بنقدم لكم صندوق الاستقرار.
Act Financial عندها صندوق استقرار لمدة شهر بيغطي 100% من الاكتتاب العام للمستثمرين الأفراد. ده معناه إن في اليوم التلاتين من الاكتتاب العام، تقدر تبيع أسهمك بالسعر اللي اشتريتها عليه. لواشتريتها بسعر 2.9 جنيه مصري للسهم مثلاً، وسعرها نزل ل 1 جنيه مصري، تقدر تبيعها مرة تانية بسعر 2.9 جنيه مصري. وعشان نشجعك أكتر، ثاندر هتعفيك من رسوم المعاملات لو بيعت في فترة صندوق الاستقرار.
تعالى نشوف إزاي ده بيتعمل:
- هنبعت إيميل للمستخدمين لو السعر نزل عن سعر الطرح (2.9 جنيه) خلال فترة 30 يوم بتاعة صندوق الاستقرار مع التعليمات المطلوبة.
- بعد 30 يوم، لو سعر السهم كان أقل من سعر الطرح، الطلبات المقدمة لصندوق الاستقرار هتنفذ بسعر الطرح الأولي (2.9 جنيه) والمبالغ هتضاف لمحفظتك.
- لاحظ إن ده محدود للمستخدمين اللي اشتركوا في الاكتتاب العام الأولي، لأن أي كمية تم تداولها بعد تاريخ بدء التداول هتستبعد.
لازم آخد بالي من إيه؟
التغطية الزائدة : وارد جدًا أن الاكتتابات العامة تكون مكتتب عليها بشكل زائد، يعني إن الطلب من المستثمرين لشراء الأسهم في الاكتتاب العام بيكون أعلى من عدد الأسهم المعروضة في الاكتتاب. تخصيص الأسهم بيكون على أساس نسبة مئوية، يعني إن أحجام طلبات المستثمرين بتتقسم حسب درجة الاكتتاب الزائد، وبكده تعرف عدد الأسهم النهائي اللي هتحصل عليه. ده ممكن يقلل حجم الاستثمار اللي كنت ناوي عليه. في حالة الاكتتاب الزائد، الفلوس الزايدة اللي ما استخدمتهاش لشراء الأسهم هترجع لمحفظتك على ثاندر . تقدر تسحب الفلوس دي لحسابك البنكي أو تستثمرها على ثاندر.
خلينا ناخد مثال: لو قدمت طلب لشراء 20,000 سهم لكن الاكتتاب كان مكتتب عليه 20 مرة أكتر، هتستلم 1,000 سهم بس (1 على 20 من اللي طلبته، بناءً على نسبة الاكتتاب الزائد).
مهم تعرف إن ده شائع جدًا خلال الاكتتابات العامة، وغالبًا بيحصل لأغلب المستثمرين – ضبط توقعاتك على ده هيساعدك تدير توقعاتك للعائد بشكل أفضل.
فهم مخاطر الوقت: عشان الاكتتاب ده بييجي مع ميزة صندوق الاستقرار، برضه بييجي مع خطر فقدان الموعد النهائي للاستفادة منه في حالة نزول سعر السهم عن سعر الطرح (زي ما قلنا فوق، ده بيكون في اليوم الـ30). عشان كده، اتأكد إنك تسجل الموعد في تقويمك!
بالإضافة لده، لما تدخل الكتتاب، لازم تاخد بالك وتخطط عشان فلوسك هتكون مقفولة لحد ما تنتهي فترة الاشتراك. مرة تانية في حالة انخفاض سعر السهم عن سعر الطرح وقررت تستنى لحد اليوم ال30 وترجع أسهمك – لازم تكون واعي إن ضمان استرجاع فلوسك مش فوري، وهياخد 30 يوم علشان تستلم فلوسك. بمعنى آخر، كل حاجة خالية من المخاطر في هذا الاكتتاب بتيجي مع قيد زمني.
أنا وصلت لحد هنا وتحمست. طيب، أبدأ إزاي؟
الاكتتاب في العرض العام هيبدأ من 9 يوليو لحد 23 يوليو؛ عشان تشارك في اكتتاب Act Financial ، اتبع الخطوات البسيطة دي:
- نزّل تطبيق ثاندر وافتح حساب استثماري (مفترض إنك عملت ده فعلًا!)
- موّل حسابك – بننصحك تتأكد إن محفظتك جاهزة ومستعدة لما يفتح الاكتتاب – عشان كده، اتأكد تعمل ده بدري!
- قدّم طلبك! مباشرة من تطبيق ثاندر، بس اكتب “ACTF” وقدم طلب شراء بحد أدنى 1,000 سهم وحد أقصى 1,750,000 سهم.
لو أنت مستثمر نشط – اتعمق أكتر:
كمستثمر أكتر خبرة، ده ملخص سريع عن الحاجات اللي بننصحك بمراجعتها قبل ما تاخد خطوة في الاكتتاب ده.
- الصناعة:
- توقعات السوق
- النمو
- حواجز الدخول
- الشركة:
- الأداء التاريخي
- جودة الإدارة
- خطط الشركة ومنتجاتها
- المنافسة:
- المشهد التنافسي
- التقييم:
- التدفقات النقدية المخصومة
- المضاعفات
لو مش مشترك في رامبل، هتلاقي هناك معلومات أكتر بشكل متعمق وحوار حصري جديد مع مصطفى عبد العزيز وكريم نعمة، المؤسسين والشركاء المديرين في Act Financial .
لو عايز تفاصيل أعمق، تقدر تشوف نشرة الاكتتاب ومذكرة الاكتتاب
لو مهتم تشارك في العرض الخاص، من فضلك املأ الاستمارة دي عشان تكمل العملية بشكل أوفلاين – مع العلم إن الحد الأدنى للاكتتاب هو 1,750,000 سهم. بعد ما تملا الاستمارة، هنتواصل معاك بتفاصيل أكتر والعملية بالظبط. خلى بالك إن آخر معاد للاكتتاب الخاص قبل العام وهو يوم 18 يوليو.
لو عندكوا أي أسئلة بخصوص الطرح العام بتاع Act Financial ، هنعمل ندوة مباشرة للأسئلة والأجوبة قريب. حطوا أسئلتكوا في اللينك ده هنا وإحنا هنرد عليها.
