تخيل لو قلنا لك إنك تقدر تحط فلوسك دلوقتي في أعلى مؤشر أداءً في البورصة المصرية؟ BMM (مية مية) هو أول وأحدث صندوق بيتابع مؤشر EGX100 اللي بيضم أفضل 100 شركة في البورصة المصرية. قبل النهارده، علشان تحقق زي الأداء ده على استثماراتك كان لازم تعمل 100 أمر شهرياً – أكيد دي حاجة ماحدش عنده وقت ليها، صح؟ دلوقتي تقدر تستثمر في الـ 100 شركة بدوسة واحدة.
بنقدملك أول صندوق بيتابع مؤشر EGX100 من بلتون.
BMM (مية مية) مصمم للاستثمار بشكل تلقائي في الـ 100 شركة المدرجة في مؤشر EGX100، وهو مؤشر لأكبر 100 شركة في البورصة المصرية. من المتوقع أن يعكس BMM أداء مؤشر EGX100. لو الأداء الجماعي للأسهم لل 100 شركة ارتفع، سعر الصندوق هيطلع، والعكس صحيح.
*الأداء خلال آخر 5 سنوات من 28 أغسطس 2019 حتى أغسطس 2024
هو الاستثمار ده مناسب ليا؟
كل شخص لديه أهداف متوسطة وطويلة المدى، سواء كانت شرا عربية كمان 5 سنين، أو يطلع رحلة معينة، أو الادخار لمصاريف جامعة ابنه. صندوق زي BMM مناسب للأشخاص المستعدين يتحركوا لتحقيق الأهداف دي، والجاهزين للالتزام بالاستثمار على أساس شهري. بما أن BMM بيستثمر في الشركات، ده بيخليه ييجي معاه شوية تقلبات (هتعرف أكتر عن النقطة دي لو كملت قراية المقال)، وإنك تخلي الاستثمار عادة شهرية عندك هو ده اللي هيساعدك تحقق العوائد العالية دي وتمول أهدافك.
أحنا ليه متحمسين لـBMM (مية مية) وليه لازم تتحمس زينا انت كمان!
- المؤشر في اتجاه صعودي تاريخيًا: لو بصينا على أداء المؤشر في الماضي، هنلاحظ أنه طلع بنسبة +334% في آخر 5 سنين. وبالإضافة لده، لو قارناه بمؤشر EGX30، هنلاقي أن الأداء مبهر أكتر كمان – كمل قرائة لو مهتم تعرف عن مقارنة المؤشرين.
- بيساعدك على لاستثمار الشهري: الاستثمار في صندوق تابع لمؤشر يعتبر أحسن حل للمستثمرين اللي عايزين يستثمروا فلوسهم بطريقة منتظمة – لو انت من النوع اللي بيحوش فلوس كل شهر، فده اختيار استثماري ممتاز ليك.
- أعلى تعرض للصناعات المختلفة: BMM (مية مية) يستثمر في 100 شركة في صناعات مختلفة (+ كل الـ12 صناعة الموجودة في EGX30)، وبيدخل في 4 صناعات إضافية زي مواد البناء والتعليم، مش متاحة في مؤشرات أخرى.
- قيادة خبراء: استثمارك في أيد أمينة! مدير الأصول بيدير الصناديق بشكل بيقلل التكاليف ويضمن متابعة سليمة للمؤشر. بلتون لإدارة الأصول تُعتبر من الشركات الرائدة في إدارة الأصول في مصر، بإجمالي أصول مُدارة تبلغ 21.15 مليار جنيه مصري اعتبارًا من يونيو 2023. الشركة ليها سجل طويل في إدارة الأصول للأفراد ذوي الثروات الكبيرة، والشركات، والبنوك، والمؤسسات الحكومية.
مقارنة بين BMM (مية مية) و CI30
BMM هو صندوق جديد في السوق، لكن مش الصندوق الأول اللي بيتتبع مؤشر..
CI30 صندوق مشابه يتتبع EGX30 Capped. ممكن تكون عايز تعرف إزاي الاتنين بيقارنوا ببعض، وإيه هي الاختلافات الرئيسية بينهم. عشان كده، حضرنا لك جدول يساعدك تقارن بين الاثنين..
العوائد العالية بيجي معاها مخاطر – شوية حاجات تاخد بالك منها:
- هل الصندوق بيقدم العوائد اللي وعد بيها؟
بالرغم من إن BMM (ميه ميه) هدفه إنه يعكس أداء مؤشر EGX100 بدقة، دايمًا في احتمال إنه ما يواكبش التغيرات اللي بتحصل في المؤشر. الفرق بين أداء صندوق المؤشر والمؤشر اللي بيحاول يمشي على نفس خطاه بيتقال عليه “خطأ التتبع”. علشان كده بننصح إنك تقارن دايمًا أداء الصندوق بأداء مؤشر EGX100 علشان تتابع أداء الصندوق وتعيد تقييم قرارك الاستثماري باستمرار.
- تقلبات أعلى: لأن الصندوق فيه 100 شركة، دا بيزود احتمالية قلة السيولة؛ مش كل الشركات اللي في المؤشر ده ليها سيولة كافية، وده بيخلي الأسعار تتحرك أكتر وتكون فيه تقلبات أكبر في السوق، وبالتالي المخاطر بتزيد. علشان كده، الاستثمار ده مناسب ليك لو كنت مستثمر متعود تحط فلوس كل شهر في الصندوق، علشان تقدر تعدي أي فترات اضطراب.
نظرة سريعة على ازاي BMM (ميه ميه) بيستثمر فلوسك:
مديري الأصول بيحطوا دايمًا قواعد يمشوا عليها لأي صندوق بيعملوه. ده بيساعدهم يستثمروا فلوس الصندوق بالطريقة اللي وعدوا بيها. دي القواعد اللي محطوطة لـ BMM (ميه ميه):
- علشان يتتبع EGX100 بشكل فعّال، لازم يستثمر على الأقل 90% من أصول الصندوق في أسهم المؤشر.
- لازم يحتفظ الصندوق بنسبة 10% من القيمة الأصلية للصندوق في صناديق السوق النقدي أو ما يعادله.
لو عايز تعرف تفاصيل أكتر عن الصندوق، بننصحك تقرأ النشرة من هنا.
ايه هي الرسوم للاستثمار في BMM (ميه ميه)؟
خبر حلو – مفيش رسوم اشتراك أو استرداد على الصندوق، بس فيه رسوم المعاملات العادية على ثاندر، وهي 2 جنيه + 0.1% على كل أمر بيع أو شراء.
امتى ممكن تستثمر في BMM (ميه ميه) على ثاندر؟
- تقديم الأوامر: ممكن تقدم أمر شراء لـ BMM مية مية ابتداءً من النهارده، بس الصندوق هيتفعل يوم الثلاثاء 3 سبتمبر – يعني طلبك هيتنفذ في اليوم ده. ولما الصندوق يتفعل، تقدر تشتري وتبيع BMM مية مية بشكل يومي.
- الوقت مهم: لو قدمت أمر شراء/بيع قبل الساعة 10:00 صباحًا، هيتبعت لـ”بلتون” في نفس اليوم، بس هيتنفذ اليوم اللي بعده بسعر الأوردر الجديد. لو قدمت أمر بعد الساعة 10:00 صباحًا، هيتبعت في يوم العمل اللي بعده، ويتنفذ اليوم اللي بعده بسعر الأوردر الجديد.
إزاي تستثمر في BMM مية مية ؟
- بخطوات بسيطة تقدر تستثمر في 100 شركة مرة واحدة!
- علشان تلاقي الصندوق على ثاندر، ممكن تبص في قسم “صناديق الاسهم”. كمان ممكن تدور على “BMM” أو “بلتون مية مية”.
مهتم تستثمر بشكل غير نشط في صناديق المؤشرات؟ ثاندر عنده الحل!
CMS:
صندوق أسهم هدفه توفير عوائد من خلال الاستثمار مباشرة في مؤشر EGX33 شريعة اللي فيه أكبر 33 سهم في البورصة المصرية ومتوافقين مع الشريعة الإسلامية.
CI30:
صندوق CI EGX30 capped بيتبع أداء مؤشر EGX 30 Capped. وده معناه إنه بيستثمر في أكبر 30 شركة في السوق المصري بحجم أقصى 15% لكل شركة.
