خبر مهم! المصرف المتحد هيطرح أسهمه في البورصة المصرية (EGX) في شهر نوفمبر 2024. ودي آخر فرصة استثمار من غير مخاطره في 2024 بعد طرح شركة ACT Financial اللي حققت عائد قوي للمستثمرين وصل لـ 29.7% في أول يوم تداول.
ولو دي أول مرة تسمع فيها عن الطروحات العامة (IPOs)، ابتدي مع دليل IPO 101 السريع علشان تكون جاهز قبل ما تكمل قراءة المقال ده.
هي الطروحات رجعت تاني؟
شكل كده الطروحات هترجع تاني بعد ما كانت وقفت حوالي سنتين. بعد 5 شهور من نجاح الطرح العام لـ ACT Financial في يوليو 2024، بنشوف طرح جديد في البورصة المصرية: المصرف المتحد.
في الفترة من 2022-2023 مصر واجهت تحديات اقتصادية زي نقص الدولار وعدم استقرار سعر الصرف، وده تسبب في حالة من عدم اليقين وتأجيل الطروحات الأولية. لكن الوضع بدأ يتغير: الإصلاحات الاقتصادية، الالتزام بسعر صرف مرن ضمن برنامج صندوق النقد الدولي، وصفقات كبيرة زي رأس الحكمة بيزودوا الثقة وبيفتحوا الطريق لنشاط جديد في البورصة المصرية.
في مارس 2024، الحكومة المصرية أعلنت عن خطتها لطرح 40 شركة من 18 قطاع في البورصة كجزء من برنامج الطروحات العامة اللي الهدف منه هو زيادة مشاركة القطاع الخاص وزيادة النمو الاقتصادي. طرح البنك المتحد في البورصة المصرية يعتبر خطوة مهمة في رحلة الخصخصة دي، وبيأكد التزام الحكومة بدفع البرنامج ده لقدام.
مين ميحبش فرصة استثمارية مفيهاش خسارة؟
في مصر، بنعتبر الطروحات العامة هي الصفقة اللي مفيهاش خسارة— فرصة استثمار مع إمكانية تحقيق أرباح ومن غير خسارة.
- يعني من الأخر، لو سعر السهم زاد، هتحقق أرباح.
- ولو السعر نزل، تقدر ترجّع أسهمك بعد 30 يوم وتسترد فلوسك زي ماهي.
ده بسبب صندوق الاستقرار الموجود في طرح المصرف المتحد، واللي بيغطي 100% من جزء الطرح الموجه للمستثمرين العاديين (الجزء ده اسمه الجزء العام من الطرح). بالإضافه لده، ثاندر هتعفيك من أي رسوم على الأسهم اللي هتتباع من خلال صندوق الاستقرار. يعني فعلاً فرصة مضمونة 100% بدون أي مخاطرة.
مكاسب حقيقية من الطروحات العامة السابقة
كتير من الاكتتابات العامة في مصر حققت عوائد قوية في أول يوم تداول ليها:
- فوري (FWRY) في 2019: عوائد +30%
- إي فاينانس (EFIH) في 2021: عوائد +50%
- أكت فاينانس (ACTF) في 2024: عوائد +29%
حتى الاكتتابات اللي بدأت ببطء زي مجموعة ماكرو (MCRO) في 2022 (السهم خسر 35% بعد 30 يوم) كانت برضه فرصة خالية من الخسارة، لأن المستثمرين قدروا يستردوا استثمارهم بالكامل باستخدام صندوق الاستقرار بتاع الطرح.
مين هو المصرف المتحد؟
ممكن تكون سمعت عنه قبل كده، أو ممكن تكون واحد من عملاء البنك اللي استخدموا تطبيقه أو زرت واحدة من فروعه الـ68 الموجودين في 15 محافظة في مصر. لكن خلينا نقولك شوية تفاصيل عن قصة البنك دة.
المصرف المتحد تأسس في 2006 واللي أسسه هو البنك المركزي المصري كجزء من إصلاحات وتعزيز قطاع البنوك في مصر. البنك ده كان نتاج دمج ثلاثة بنوك كانوا في وضع صعب، والبنك المركزي وضع خطة لتغيير الوضع بالكامل. وفعلاً، نجح البنك في تحويل خسارة وصلت لـ4.4 مليار جنيه في 2006 إلى أرباح وصلت ل 1.7 مليار جنيه في النصف الأول من 2024.
النقاط الرئيسية
- خدمة فريدة بنظامين (إسلامي وتقليدي): المصرف المتحد مميز لأنه بيقدم خدمات بنكية إسلامية وتقليدية في نفس الوقت، وهو واحد من 5 بنوك بس في مصر اللي عندها التراخيص الخاصة بالخدمات دي، وكمان واحد من 14 بنك مرخص للتعاملات المصرفية الإسلامية.
- احتمال توزيعات أرباح جذابة: البنك بيحقق أرباح كويسة وعنده تمويل قوي من البنك المركزي المصري. وبيحقق نمو مستمر في أرباحه، وفي السنة اللي فاتت دفع 50% من أرباحه كأرباح للمساهمين، وده خبر حلو للمستثمرين اللي بيدوروا على استثمار طويل الأجل.
- شراكة استراتيجية مع البنك المركزي المصري: البنك المركزي المصري هو المساهم الأكبر في المصرف المتحد، وده بيدي البنك ثقة وتوجيه استراتيجي مهم. كمان البنك المركزي هيكون مهتم بشكل كبير بزيادة قيمة البنك والحفاظ على سجل قوي من الأداء المالي قبل أي عملية بيع مستقبلية، لأن البنك المركزي ممكن يقلل حصته في البنك بشكل تدريجي في المستقبل.
نقاط تاخد بالك منها
استراتيجية متحفظة: المصرف المتحد يتبنى استراتيجية إدارة أصول بطريقة حذرة، بمعنى أن العوائد اللي بيقدمها ممكن تكون أقل مقارنة ببعض البنوك الأخرى في ظل استمرار ارتفاع أسعار الفائدة.
حجم أصول أصغر: إجمالي الأصول والودائع في المصرف المتحد أقل مقارنة ببنوك تانية أكبر مدرجة في البورصة.
هل دي تعتبر فرصة حلوة للاستثمار طويل الاجل؟
الإجابة هنا بتعتمد على عوامل مختلفة زي التقييم، الأداء المالي، وتحليل المقارنة مع البنوك المنافسة، واللي متاحة حصريًا للمشتركين في رامبل. اشترك النهاردة واحصل على شهر مجاني للتجربة!
ملخص الطرح ده:
لو حابب تعرف تفاصيل أكتر عن الطرح ده، تقدر تقرأ النشرة التعريفية اللي أصدرها المصرف المتحد من هنا
إزاي تشارك في طرح المصرف المتحد
في 3 خطوات بسيطة هتعملها:
- نزّل تطبيق ثاندر وافتح حساب (لو ما كنتش فاتح واحد قبل كده).
- حط فلوس في محفظتك على ثاندر—واتأكد إنها جاهزة قبل ما الطرح يبدأ.
- قدم طلبك مباشرة على التطبيق، دور على اسم السهم “UBEE” وقدم طلب الشراء.
لو كنت مستثمر مؤهل ومهتم بالطرح الخاص، شوف المقال ده علشان تجد كل التفاصيل.
إيه اللي يعرفه مستثمرين الطروحات العامة محتاج تعرفه إنت كمان:
- غالباً بيكون في طلبات أكتر من المطروح: في أغلب الأحيان، بيكون عدد طلبات الشراء أكتر من الأسهم بكتير، يعني ممكن جداً متاخدش العدد الكامل من الأسهم اللي كنت عايزها. لكن مفيش مشكلة—الفلوس اللي مش هتستخدم هترجع لمحفظتك في ثاندر.
- استفيد من التخصيص: استخدم ميزة ثاندر عشان تشترك بحد أقصى 4 مرات من المبلغ اللي في محفظتك، علشان تزود فرصتك في الحصول على تخصيص أكبر، لكن كون مستعد لتحويل الفرق لو الطرح مكانش عليه طلبات أكتر من المطروح (ودي حاجة مش متوقع تحصل).
- فكر نفسك في اليوم 30: لو سعر السهم نزل، افتكر إنك تبيع أسهمك في اليوم 30 عشان يرجعلك استثمارك. وثاندر برضه هتبعتلك اشعارات لو حصل ده ومعاها التفاصيل اللازمة.
جاهز تشارك في الطرح ده؟
نزل تطبيق ثاندر واستغل الفرصة ديه
