في ثاندر، حماية حسابك هي واحدة من أهم أولوياتنا. عايزينك دايماً تكون واثق أن معلوماتك الشخصية في أمان. وكمان نساعدك تحمي نفسك من التهديدات الإلكترونية، هنا هتلاقي بعض النصائح البسيطة اللي تقدر تتبعها عشان تحافظ على أمان حسابك.
1. احمي رقم التعريف الشخصي الخاص بك (PIN)
الرقم المكون من 4 أرقام الخاص بك هو جزء أساسي من حماية حسابك، فاختاره بعناية.
- متستخدمش نفس الرقم السري لكذا حساب عشان تأمن حساباتك بشكل أحسن.
- اوعى تشارك رقم الـ PIN بتاعك مع أي شخص—حتى لو كانوا أقرب أصدقائك أو عائلتك.
- إذا حسيت أن رقم الـ PIN بقى معروف أو فيه مشكلة، غيره فورًا عشان تحمي حسابك.
2. خلي معلوماتك الشخصية خاصة بيك ومتقولهاش لحد
معلوماتك الشخصية مهمة، فكون حذر في مكان وكيفية مشاركتها.
- أوعى تشارك أي تفاصيل خاصة زي رقم بطاقتك أو معلومات حسابك عبر الهاتف إلا إذا كنت متأكد من هوية المتصل.
- حدث معلوماتك الشخصية بانتظام من خلال تطبيق ثاندر الرسمي لتتأكد إن كل شيء محدث وآمن.
3. كن حذرًا مع الإيميلات والرسائل النصية
من السهل تتخدع برسائل احتيالية، لكن الحذر بيحميك من المتاعب وعمليات النصب.
- ما تردش على الرسائل المزعجة أو المشبوهة اللي تدعي إنها تعرض عليك مكافآت أو أرباح مالية. إذا كان العرض يبدو جيدًا لدرجة إنه مش معقول، فغالبًا هو كده!
- تجنب الضغط على الروابط من أرقام أو إيميلات غير معروفة. الأفضل تروح مباشرة للموقع الموثوق.
- موقعنا الرسمي هو www.thndr.app، أي إيميل أو رسالة مننا هتكون من هذا العنوان. دائمًا تأكد قبل ما تضغط على أي رابط.
4. استخدم خط إنترنت آمن
خط الإنترنت له دور كبير في أمانك على الإنترنت.
- دائمًا ادخل على ثاندر (https://thndr.app) عبر خط إنترنت آمن. حاول تجنب استخدام الWIFI العام إذا أمكن.
- تأكد من وجود “https” في الرابط ورمز القفل بجانبه، عشان ده معناه ان الموقع آمن ومشفر.
5. بلغ عن أي مشاكل تواجهك فورًا
إذا لاحظت أي شيء مش طبيعي—سواء كانت عملية شراء غريبة أو مشكلة في أمان حسابك —بلغنا على طول.
- بلغ فريق الدعم بأي تغييرات غريبة في حسابك أو أي نشاط مشبوه على الفور.
بإتباع هذه الخطوات البسيطة، تقدر تحافظ على أمان حسابك في ثاندر وتحمي معلوماتك الشخصية. إحنا هنا دايمًا علشان نساعدك، ومهتمين إنك انت كمان تحافظ على أمان حسابك.
شكرًا لاختيارك ثاندر. وإذا كان عندك أي استفسار، تواصل معنا عبر الدعم الموجود داخل التطبيق، دايمًا جاهزين لمساعدتك والإجابة على أسئلتك!
